由“金牌媒人”林盛斌（Bob）主持的TVB恋爱真人骚《女神配对计划2》昨晚（13日）播出第二集，求爱勇者陆续出场，向各自心仪的五大女神何沛珈（Roxanne）、阮嘉敏（Mandy）、陈若思（Amber）、俞可程（Kanis）及郭珮文（Juliana）展开攻势！

旧爱复合迎最强劲敌

昨晚“果汁CP”的戏剧式“飞半个地球求复合”虽然够晒感人兼浪漫，但并不代表Ice坐定粒六能重夺对著他百感交集的“Julian难”芳心，皆因除了Ice之外，阿Ju对另一位求爱勇者伍颂曦（Preston）表现相当雀跃，而且全程只有开心没有忧心，阿Ju闺密邓凯文亦坦言“冇见过佢笑得咁开心”，Preston绝对是Ice的最强隐忧。

Preston“为爱移港”直击郭珮文死穴

Preston报称职业KOL及市场营销，年薪39万，专长是煮嘢食及拍片。Preston最吸引阿Ju的地方，除了是同样钟意及拿手煮西餐，他“为爱移居香港”的勇气及决心，亦正正击中了阿Ju的“死穴”，阿Ju事后向制作组坦言对Preston有好感：“我同Preston都有几多共通点，我哋都系LA住过，第二都系因为Long D分开。我好respect佢，因为我觉得佢好勇敢，因为唔系所有人都可以去咁做。”

郭珮文罕有主动出击

除了“爱的勇气”，Preston最拿手的三道美食卡邦尼意粉、味噌烧银鳕鱼及煎牛扒，亦令阿Ju大为心动，更数度开心至手舞足蹈：“佢钟意煮嘢食，其实我都钟意煮嘢食，同埋好钟意食嘢，佢咁啱讲𠮶三样嘢，都系我平时煮得最多𠮶三样嘢。”除了心心眼，阿Ju亦以行动表明了对Preston的兴趣，向来被动的她，难得主动问男方想要怎样的女友，而Preston的按步就班“朋友发展论”，亦得到了Ju“直竖姆指”，阿Ju亦坦言感觉与Preston很夹：“好开心，佢讲嘅嘢好多都同我谂法比较一致，同埋最紧要佢识煮饭，最紧要佢煮嘅仲系我好钟意。”

确实Preston形象相当入屋，入得厨房之余，谈吐亦相当真诚谦厚真挚，加上恋爱观相当循序渐进、价值观很正直，不少网民都对他投下支持一票：“好少见郭珮文咁大反应”、“呢个男仔四正、正气样。”

真实流露获全网大赞不造作

而在今集一集展现齐“喜”及“哀乐”的Juliana，其人设亦在网络吸获大量好评，大批网民赞她真诚不造作，并直认对向来沉默的她改观：“佢好率直，唔造作，佢一喊，我都想喊”“郭珮文虽然唔系好靓，但好真”、“我系女，觉得郭珮文份人好真。今集佢唔Like𠮶啲，佢表情系嫌弃”、“工作上合作过一次，郭小姐份人好真，好搞笑，佢讲嘢唔叻，但真系几好笑”、“感觉佢唔系好识表达，但睇到佢个人好真，一啲都唔造作”、“之前对郭珮文冇乜好感，睇到佢同前男友呢幕，好感动。改观晒！”