梅启明、张致恒、周永恒及李泳汉被网民封为“四大废男”，但梅启明及张致恒最近竟破天荒同时接受网台“鼎丰盛”的访问，节目中他们畅谈自己的“感情观”。不过“高人”梅启明分享的观点，在座却没有人明白，而张致恒在分享时，梅启明更一度在旁偷笑。

两大废男同场接受访问讲爱情观

主持问梅启明的感情观时，他明显心不在焉并表示自己很被动：“感情观嚟讲，呢啲都系被动㗎㖞，同埋大家都系一个相处，唔系话你单方面可以。”但主持并不认同他是被动，所以问到他的几段婚姻是否女生主动追求他。他续指：“亦唔算得话沟嘅。（即系逼你一齐？）亦唔系话逼嘅。（咁即系自愿啦？）即系大家，系嘛！咁点可以讲话逼嘅，被动都唔系叫做逼㗎。唔系叫做沟又唔系抢，即系要大家双方先至有一个大家𠮶个相处。”

另外三位都听到一头雾水，之后主持人继续追问他：“即系上床都好啦，你都系处于一个被动嘅状态，系个女人擒上嚟你𠮶度？我唔知你点样用被动嚟形容呢件事？”梅启明继续说著没人明白的道理：“被动始终嚟讲，我就算沟佢，佢唔咩嘅话都唔会大家去相处嘅。如果佢沟我，咁亦都唔系叫做被动，系咪咁讲先？”说到自己是主动还是被动多时，他则突然清醒地表示“咁我被动多”，之后主持问美国、马来西亚及泰国的老婆时，他都表示是被动，唯独是泰国老婆，他指是“五十五十”。

梅启明最爱泰藉妻子

梅启明被问到经历过多次婚姻失败后，最爱的女人是谁，他毫不犹豫表示：“就系而家呢个！”他更自我感觉良好，提到抛妻弃子及争夺遗产，他仍觉得自己是一个好人时，他则表示：“唉！你哋讲晒啦，呢样嘢！”更“蛇咬都唔认”抛妻弃子，斩钉截铁回应：“冇！”

张致恒笑称自己从小就“恋爱脑”

至于张致恒，他则笑称自己从小就很“恋爱脑”：“咁我好容易见一个就会钟意一个，因为细个好钟意以样行先，即系见到佢靓嘅我就好想追佢。”被问到恋爱脑并非应该很专一吗？他又指：“有好多解释嘅其实恋爱脑，因为好钟意拍拖呢一样嘢，所以先叫做恋爱脑吖嘛。我觉得我每追一个女仔嘅时候，𠮶种新鲜感令到我有好大嘅满足啊，即系我好钟意追女仔𠮶种感觉。”

张致恒认自己是痴汉

张致恒再被提到一脚踏五船，他表示当时不觉得自己有错：“因为我觉得，一嚟我未结婚啦，二嚟我觉得咁样系几好玩，滥交啊，花弗㗎！如果唔系唔会出现咁多呢啲问题啦，即系自己系好胜嘅，因为有阵时我想追𠮶啲女仔。我真系会好努力咁去追，真系会不惜一切去佢屋企楼下等佢五六日，我都会等𠮶啲。”他更承认自己是痴汉。

张致恒直接承认最爱的女人是老婆雯雯

张致恒谈到最爱的女人时，他直接承认是老婆雯雯：“一定系啦，唔讲嘅话离婚㗎啦！唔通你结住婚，即系拖住只手仲喺隔篱讲：‘喂！我仲钟意第二个人。’大佬边会够胆咁讲啊！咁但系我认真嘅，因为佢都真系帮我经历咗好多唔同嘅嘢，咁希望嚟紧嘅日子可以继续软化佢，变成爱。”

张致恒直认思维上有出轨

至于谈到出轨方面，张致恒直认有出轨：“思维上！因为始终真系有好多女性会喺身边咁转嘅。”张致恒说完梅启明在旁已经忍不住直接笑出声，张致恒则指自己是正常男人：“你冇理由揿住只眼出街㗎嘛！你有阵时你会见到啲靓女行过或者身材好嘅都唔同嘅谂法，咁但系你知道自己唔可以嘅，咁咪只可以用思想，尽量唔好畀佢知，唔好畀佢知，即系喺度侧边嘅时候，唔好畀佢睇到我𥄫女之类。”但主持则不认同张致恒这个说法，指并非每个男人在思想或行动上出轨。