谢东闵（Brian）昨日（16日）出席活动，除了回应与陈庭欣的绯闻外，亦谈到与自己一样同属“巨声帮”的赵展彤及何雁诗，以及当年靠《星梦传奇》成功弹起的郑俊弘。郑俊弘、何雁诗近日因为将患有罕见病天使综合症的儿子郑赞廷（Asher）送往加拿大，而夫妇二人则轮流加港两地往返，因而引起不少网民抨击，甚至有人形容为“弃养”，谢东闵就回应指：“我认识嘅佢哋，绝对唔系啲咁嘅人。”

近日赵展彤（Val）为宣传新歌《寻人启事》，找来Brian一同拍片，他直言是“得意嘅缘份”，当年二人在比赛上只见过一次，赵展彤仍只是11、12岁的妹妹，所以二人相隔多年再碰面，Brian完全认不出已29岁的对方：“突然间大个咗咁多、成熟咗咁多，同埋我𠮶阵时未参加比赛之前，我睇佢唱歌𠮶时已经觉得呢个女仔真系好叻㖞唱歌！佢喺IG揾我，话不如试吓，佢有首新歌，希望可以揾返以前嘅一啲回忆，都系关于佢主题嘅一啲嘢，我当然应承一齐做呢件事。”Brian透露自己至今仍然《超级巨声》出身的许廷铿、吴业坤、罗孝勇很好朋友，幕前幕后他都当作一家人，所以必定会互相支持。

片中赵展彤问Brian，如果能与小时候自己说一句话会讲什么，他说：“你唔好做娱乐圈喇，转行踢波吧啦。”问到是否很悔入行做艺人，Brian透露自己在英国留学时参加过足球体验营，曾梦想成为职业球员，可惜手脚不协调，于是他就想：“𠮶时十几岁先至学人踢波，其实应该几岁就踢啰，咁如果唔系点成为美斯呢？”他无奈指自己可能没天份，记者安慰他可能其天赋全在于音乐及厨艺上，问到他的音乐学校发展如何，他指上月举行完歌唱比赛，而郑俊弘（Fred）亦有帮其学校主理体验课程：“都好踊跃嘅，啲人听到阿Fred就嚟报晒名，陈国峰、坤哥间唔中都会喺度搞。”

不过，讲到Fred与太太何雁诗近日因将患有罕见病天使综合症的儿子郑赞廷（Asher）送往加拿大，而二人就轮流加、港两边走去照顾对方，有声音认为他们不负责任，指父母应争取最多时间陪伴儿子身边，不会长期分隔两地，有网民更称之为“弃养”。谢东闵相信当中有所误会，表示：“有时啲嘢，佢哋可能讲完之后件事发酵咗，我觉得应该唔系咁嘅，以我所知阿Stephanie佢哋其实好锡小朋友嘅，我认识嘅佢哋，绝对唔系啲咁嘅人。”对于有人猜测Fred和Stephanie是否铺路离婚，谢东闵就说：“呢啲真系唔知道，完全冇问过佢哋，大家倾偈都系关于音乐上嘅嘢。”