已故巨星梅艳芳（阿梅）的兄长梅启明，早前召开记者会大闹肥妈（Maria Cordero）说三道四，指责对方多管闲事，更直斥叫肥妈“收皮”。今日（19/9）肥妈现身尖沙咀出席公开活动，她接受《香港01》访问被问及此事时霸气寸爆对方：“经就收咗，期就未收！”

对于梅启明早前的指控与怒骂，肥妈显得不在意，她坦言自己行得正站得正，完全没有捏造事实。肥妈表示：“哎呀，我点会劳气呢？我讲真嘢嘛，全香港市民都知道啦，我又冇屈佢，系嘛？佢觉得系咩就觉得系咩啰，我又冇加多，我又冇减少，又唔系我提出嘅问题，记者问我，我有咩都照实讲，唔通唔敢讲咩？又唔系我讲，全香港市民都系咁讲嘢㗎嘛！”

提及被梅启明在记者会上爆粗及叫“收皮”，肥妈大方表示不会放在心上，更开玩笑回应：“我经常被人闹㗎啦，你第一日识我咩？我经常被人闹，如果人人闹你，你就去计较，晨早生cancer死咗啦，对我完全冇影响。”提到梅启明叫她“收皮”时，肥妈即时发挥金句本色：“呢啲咁嘅嘢，收皮呢样嘢，如果讲咗七十几年都收咗，晨早收咗啰，‘经’就收咗啦，‘期’就未收！”

此外，提及梅启明在记者会上指用150万元搞丧礼，肥妈则认为钱是别人的，她直言：“咁佢要500万都得㗎，有人畀嘛，无所谓㗎！又唔系我嘅钱，又唔系你嘅钱，系嘛？如果攞到都系阿梅、阿梅妈嘅钱，无所谓㗎！好呀，如果佢攞到钱同佢阿妈风光大葬，咁就好啦！至于佢用唔用得落去，关我哋咩事？唔关我哋事嘛！人哋肯帮佢阿妈风光大葬，系喜事嚟！”