张振朗与女友杨偲泳（Renci）感情稳定，近日有报导指二人疑似在半山筑爱巢同居，更有自称“好友”的人爆料指两人正为结婚作准备。今日（22/9）杨偲泳出席活动，接受《香港01》访问时澄清有关传闻，指整件事乌龙又搞笑。

谈及被指在半山筑爱巢，Renci坦言看到报导后觉得非常搞笑：“好搞笑啊呢个！因为佢入面嘅内容呢，我同事有Cap俾我睇啦，跟住就话‘好奇怪’！因为之前我受访讲过自己有‘恐婚’，跟住佢个报导呢，仲要话‘好友爆料’，我好想知边个‘好友’？竟然系完全……应该系唔认识嘅！”

对于报道中提及她曾进行医美疗程及拟定的婚前准备，Renci更笑言内容与事实大相迳庭：“我觉得佢篇文章系几特别，因为佢连我做咗啲咩医美疗程都写出来，但我根本就冇做过𠮶个疗程！所以我而家好惊啊，好想同呢位‘朋友’见识吓，认识吓，最重要系啲资料错咗啰！因为佢𠮶个疗程啲价钱都好似怪怪地咁样。”

至于被拍到前往半山豪宅，Renci澄清该处并非她与张振朗的住所，而是朋友的家：“𠮶日我系去我朋友屋企食饭，好彩我朋友落嚟接我，𠮶个记者朋友就冇影到我入去，因为我个Friend就话：‘真系好惊呀！会唔会被人见到我住边呀？’咁但就唔紧要，大家笑吓都开心。我会努力赚钱嘅！”

被问到身边朋友是否担心因而曝光，她笑言：“会呀，佢哋而家惊呀！所以我就系冇办法，我都明白大家工作要紧。佢哋真系惊上镜，惊被公司同事笑𠮶啲，我就话唔紧要啦，好彩影唔到。”

最后问到是否有置业或结婚计划，Renci则表示目前仍以工作为重：“我又冇㖞，我到而家都系比较及时行乐同环游世界，我惊我条命冇咁长‘置业之后可以安居乐业’，所以我希望都系努力揾钱先，努力工作系紧要啲嘅。”