龚嘉欣早前突然在社交平台无预警上载律师严正声明，强硬宣布与蛋糕品牌“KEW+”全面切割并终止所有合作关系，引来外界高度关注。由于她同时传出已取消关注（Unfollow）日籍甜品师绯闻男友松冈哲也（Tetsuya Matsuoka），令不少人猜测这场高调的“割席”风波背后牵涉两人感情生变。不过，亦有消息指事件起因是“KEW+”饼店早前不满有美食博主（Foodie）发布影片质疑店内售价 $348 的草莓蛋糕“偷工减料”，店员留言反击并威胁控告网民诽谤，引发大批网民不满并疯传，从而促使龚嘉欣急切切割。

与饼店完合约：未有第一时间向公众交代

昨日（21/9）龚嘉欣出席节目宣传活动时接受《香港01》访问时表示：“其实合作早在一段时间前已经完结，只系自己未有第一时间向公众交代，但具体日子我自己都唔系好记得清楚，实质嘅日子我个声明𠮶度有写嘅。咁其实我自己都有喺后面去反思返嘅时候，系觉得我作为一个合作员，其实我系应该即刻去话畀大家听个合作完咗。咁本身我就谂住，唔好好似打草惊蛇咁，一下子反而会引嚟更多猜测，所以我本身系谂住咁样去处理啦。”

然而，互联网上的舆论发酵让她意识到必须出声，她坦言：“之后喺互联网上面，我都有见到一啲关于产品嘅问题发生咗。我觉得都必须要话返畀公众知，𠮶啲唔系我同埋我个团队嘅出品。”

谈与日籍绯闻男友松冈哲也真实关系

对于外界最关心的终止合作原因，以及是否涉及与日籍绯闻男友松冈哲也的关系，龚嘉欣澄清双方是理念上的分离：“系呀，因为个合作真系完咗，都觉得……即系细节我就唔讲啰，但就系我同埋我嘅甜品团队，包括日藉朋友，就同呢个集团嘅合作完结咗，大家都要分返清楚，我同我嘅甜品团队同呢一个集团冇再合作。”

至于被指“Unfollow”绯闻男友兼感情生变，龚嘉欣即时否认，并澄清两人关系依旧：“我冇……我冇 Unfollow 人㖞，系呀系呀！大家都依然系朋友。我哋始终𠮶时真系一班团队，我哋仲有香港师傅喺香港咁嘛，大家有时都会仲系交流吓啲做蛋糕嘅嘢，有时见到啲新嘅产品，大家都仲会去讨论。”

被问到经历今次事件后，未来会否害怕再与人合伙做生意，龚嘉欣抱持开放态度：“我谂睇时机啰，其实我都觉得特别系而家经济大环境都唔系好嘅时候，都真系要考量大家再努力去争取多啲机会同机遇。我都唔排除会再去做一个饮食方面嘅嘢。”

做生意当学习：都好Enjoy

不过，她也直言目前会先专注于演艺事业：“而家啱啱拍完剧啦，而家要专心做呢个节目，我谂暂时未有一样特别去想、好想做或者有呢个行动。”对于做生意是否一个人全权负责比较好，她则谦虚表示：“我都觉得都需要，因为我本身唔系一个做生意叻嘅人，都冇读过啲相关嘅课程，经验亦都少。我觉得我都好需要其他人去帮我一起做，我 Enjoy 嘅。之前做生意我都 Enjoy 嘅，都系一个学习。”最后被问到合伙做生意是否难免会有摩擦，她笑言：“我谂咩关系都会有啰，咩行业、咩关系都会有，绝对唔会因为咁吓怕咗！”