蔡瀚亿（BabyJohn）今日（29/9）以大使身份现身九龙湾，出席《“童”你每一刻》分享会。他在接受《香港01》访问时透露，自己早前已成功修毕一个辅导课程，并大方分享当初决定进修的动机与学习过程中的体会。

探索听众角色 翻越男性思考盲点

谈及修读辅导课程的契机，BabyJohn表示自己一直在反思如何成为一个更好的倾听者。他直言：“其实系因为最近我喺度谂紧，当我听人讲嘢嘅时候，有时我好容易，我谂呢个系男性本身都好容易倾向咁样去处理，即系会处理事情先。咁但我哋点样可以理解到人嘅心情或者情绪呢？喺呢个过程入面，咁啱有位好好嘅前辈朋友话开呢个课程，我就去报读。”

演员背景助代入 体会同行的真实意义

在学习过程中，BabyJohn坦言过程并不简单，但也发现自己的演员背景带来了一定优势。他分享道：“喺整个过程入面，我觉得系好难嘅。难喺你要首先代入到佢经历紧嘅状态。呢样嘢作为演员会比较容易少少，因为听嘅过程入面容易代入到佢嘅画面。但难度在于，你代入完之后，其实系要同佢一齐同行呢个过程、同行佢嘅情绪状态，而唔系去谂点样令佢冇咗呢个情绪状态。”

允许情绪释放 学习陪伴而非压抑

经过系统性的学习，BabyJohn对情绪处理有了全新认识。他指出：“我发现呢样嘢系必然嘅，而且唔需要去压抑或者唔畀佢嘅情绪释放出来。我觉得呢个系一个好好嘅释放途径。所以我喺学习过程入面，学会点样去理解人哋嘅情绪、点样去同佢一齐行。”

无意转行做辅导员 盼深化身边人际关系

被问到修毕课程后是否打算发展第二事业、转行成为心理辅导员时，BabyJohn笑著否认：“绝对唔系！我冇呢个资格。我纯粹系想喺朋友嘅分享入面可以听到更多嘢，喺另一半嘅分享入面想听到更多，想去同佢哋一齐行、去理解，而唔系单纯帮佢哋解决事情。”