“十大杰出青年选举2026”今日（6日）于湾仔香港会议展览中心盛大举行，今年共有9位来自不同领域的优秀青年获得殊荣，用以表扬他们在各自领域的卓越贡献及对社会的积极影响。其中，刚完成名古屋亚运、并于个人及团体赛夺得两面银牌的中国香港剑击代表队成员蔡俊彦（Ryan），就荣获此项殊荣。

蔡俊彦上台接过奖座后发表得奖感言，他坦言自己数年前曾参选但未获选，如今终于得到肯定，感到非常荣幸。蔡俊彦在台上发表感言：“攞到呢个奖我好想多谢评审啦、大会啦，因为其实我自己都冇谂过会攞到。喺几年前其实我都已经试过一次去选，当时就得唔到大会嘅认同啦，咁过咗几年，终于得到大会嘅认同，我非常之多谢！”

蔡俊彦续说：“咁幸运地我都攞过我人生最高嘅荣誉啦，攞过世界冠军同埋包括成为咗世界第一。咁但系喺攞到呢一切嘅荣誉之前，系好艰难嘅，有好多酸甜苦辣，有好多唔如意嘅时候。咁但系好彩，我有好嘅朋友、好嘅教练、好嘅队友同埋好嘅家人去陪住我，令到我可以冲破一次又一次嘅逆境，然后走上我成为世界第一嘅呢条道路，所以我好衷心多谢我嘅朋友、家人，同埋我嘅教练队友。”

蔡俊彦又说：“当我冲破呢一次又一次嘅逆境，我发觉，其实要做得到一个成功嘅运动员，或者一个成功嘅人士，佢必须要拥有一份乐观嘅心态。咁以乐观嘅心态，佢唔系与生俱来，佢系需要后天训练去培养返嚟，佢系一份习惯嚟嘅。咁我好希望当我成为杰青，同埋依家算系一个公众人物，我好希望尽我嘅责任去带到快乐、正能量畀社会，令到社会变得乐观，香港人变得更加乐观，令到大家嘅生活更加愉快，我就会好快乐，多谢大家！”

蔡俊彦在感言中除了向教练、家人及团队表达谢意外，亦以自身经历鼓励香港市民保持乐观心态，展现出杰出青年的正能量与社会责任感。