罗家英今日（6/10）出席活动，接受《香港01》访问时大谈近况。虽然过去曾四度罹患癌症（包括肝癌及前列腺癌），但他依然保持乐观豁达的心态，现时身体状况亦相当不俗。即使年事已高，家英哥至今依然工作不断，行程排得极为紧凑，甚至连休息时间都相当有限。

工作接踵而来　坦言“人情难却”

被问到最近的工作安排时，罗家英透露自己工作满档，连放假旅游的机会都没有。他坦言：“好忙好忙，我唔知点解，我谂住唔好做做咁多嘢啦，有时啲嘢人情难却，咁就去做啦！有时见吓面，咁有时做吓啲广告啊，咁啲广告都跟好多嘢，唔到你话事啦，想休息都唔得，除非呢，真系去咗旅游，唔喺香港。”

问到会否考虑推掉部分工作，甚至将工作量“清零”时，家英哥则笑言根本办不到：“推工作？我推好多啦！（推到零！）但又好似唔得㖞！”

要畀家用汪明荃 医疗费每月万多元

罗家英过去曾先后经历多次抗癌难关，自2004年起曾两度患上肝癌，其后亦曾确诊前列腺癌并接受手术及治疗。谈及为何依然如此勤力工作，他笑言除了要给家用之外，还有昂贵医疗支出也是主要原因之一，必须存钱积谷防饥。他直言：“要畀家用阿姐，其实我睇医生系好贵！医疗费𠮶度要……睇医生啦，同埋谂住将来老嘅时间，多啲钱喺个手里面，就多啲人可以服侍你嘛，如果唔系呢，好惨烈㗎！”当被问到现时每月的医疗开支大约多少时，他透露：“每个月万几蚊。”

好耐无去揼骨

过去罗家英常受腰酸背痛困扰，以往经常要按摩揼骨，不过他表示近期身体状况改善了不少：“呢样嘢喺五年前呢就啱嘅，但呢几年我冇咗瘾㖞，个骨痛腰骨唔算痛，就舒服，唔使揼骨，真嘅！以前就差唔多两三日，𠮶阵痛得好厉害，就要去揼骨，而家两个月都唔去一次。”

他更即场向大家解释按摩坐骨神经的保健心得，并公开自己的三大健康秘诀：“我要同大家讲我三个健康嘅秘诀：第一，瞓多啲，第二，唔好拣饮择食，第三呢，心情开朗，就健康啦！”