蔡枫华昨晚（7日）现身翁静晶的网上频道《危险人物2.0》，二人相隔40多年冇见，翁静晶亦不禁相拥落泪，忆起当年合作点滴，感触万分。蔡枫华在节目中诉说多年来冤屈，亦为自己平反不少真相，首先当然是指他1985年因讲了一句“刹那光辉唔代表永恒”被指针对张国荣而遭封杀的传言，他强调：“我再澄清多次，我已经澄清咗好多次，不过都要再澄清，我从来未被任何机构或者节目封杀过，TVB，真系冇！”

坚称没针对人拒向歌星道歉　指1985年早知《劲歌》赛果

他忆述事件，指当年说完这句话之后，监制要求他向一位歌星道歉，但他不愿意：“我觉得我自己冇妒忌人，亦都冇针对人，睇返啲片，有晒证据，我话一个人一时嘅光辉未必系永恒，我仲有嘢讲，卢敏仪接咗我。仲有一样嘢我可以澄清，当时我同卢敏仪都系睇紧一个卫星转播过嚟嘅，冇人知嘅，而𠮶10首得奖歌曲，一早我就知晒个结果，因为喺晒我袋里面，主持人一早知道晒，卢敏仪拉伕上嚟，本来系俞琤，佢系拉伕上嚟，但系佢唔知。同埋好多电视上面嘅操作，有时得奖唔得奖，呢啲嘢我唔想讲到咁白。”翁静晶说：“我讲！内定嘅！睇你乖唔乖，老实讲所有大机构都系，电影你就要同导演上床先有女主角做，然后你如果要去大机构入面攞奖，唱片公司要捧你，你要贿赂……”

歌手主持身份矛盾　获高层疼锡仍主动请辞

蔡枫华指，自己既是主持又是歌星，身份敏感，所以如果要选十首歌，自己一定首当其冲：“你要筛，死就死我先，因为我系打工𠮶个，因为我系TVB人，cut就一定cut我先。其实我一早知道cut咗，我系唔会有任何反应，所以卢敏仪讲得好啱，蔡枫华𠮶晚好顺畅，冇饮醉酒、冇情绪问题，完全冇。”他指自己是TVB合约艺员，而张国荣、梅艳芳等就是TVBI旗下华星娱乐唱片部歌手，对电视台而言“手板又系肉，手背又系肉”，不过自己就是受薪艺人，而其他歌手没有，如果自己不听话，可能被调去做儿童节目或“路人甲”。蔡枫华坦承当年已算好彩，获高层疼锡，加上自己都清醒，有时觉得明明自己是歌手，却要用主持身份去访问其他歌手，仿似降了格，所以自告奋勇请辞：“其实我一早都想唔做，因为个角色系矛盾，又系歌星又系主持人。”

风波翌年收入大丰收绝无遭封杀　唱片公司拒出碟致事业低潮

谈到因讲错一句说话而“兜踎”，蔡枫华就极力否认，更大爆：“1986年，我系最高收入嘅我话俾你听，又有演唱会又有电影，唱片公司有加人工，𠮶年系丰收年！”他指真正使其事业陷入低潮的，是当时原本与“演唱会之父”张耀荣洽谈好，唱片公司帮他出多一只碟，去配合他举行五场演唱会，但最终唱片公司CBS Sony不肯，令谈判破裂：“我签咗，订都收埋，净系订都20万，𠮶时好多㗎喇！五场，同陈柳泉（陈淑芬老公），我哋三个一齐开会，一个CBS总经理、一个佢、一个我，佢就话张生希望出一只唱片support住我五场演唱会， 1988年，期就攞晒，红馆嚟㗎！但系CBS Sony唔肯出，我就同佢讲，你怕事啫，唔紧要，我出钱，我自资，蚀咗就我嘅，但系都唔肯。咁我就有退意，想转唱片公司，但系唔得。”

五场红馆梦碎变杂锦骚　多年后仍未能踏上红馆舞台

他透露早在1986年已有另一间公司找他开4场红馆，当时都有出价，但他考虑过：“人哋间公司唔会捧我，因为佢有一个歌星系股东嚟嘅，大家都识㗎啦，阿伦（谭咏麟）呀！”他正取舍接受耀荣还是谭咏麟有份的艺能Offer，结果听了《劲歌金曲》监制建议：“佢讲咗一句说话，边面畀得钱多咪去边面啰，我谂吓，先食咗呢边先，但系呢个系咪聪明反被聪明误，我唔知，但系我就应承咗呢边。”结果1988年五场红馆档期，要抽走蔡枫华名字，变成其他歌手的杂锦Show，甚至令他直至2012年才首踏红馆，近年每次开骚都要去荃湾大会堂，他自己都说：“好多人唔明点解蔡枫华成日都要喺荃湾大会堂，呢个问题你要问政府！政府唔畀，文化中心唔畀，呢度又唔畀、𠮶度又唔畀，迫于无奈我一定要拣𠮶啲场地。”不过，蔡枫华就大爆，自己在2004年想开红馆，但就被黑势力阻止，更将他打至右眼视力永久受损，究竟当时经过是怎样？详见另稿。

蔡枫华指22年前遭黑社会围殴铁莲花插眼　罕脱墨镜揭视力永久受损