蔡枫华昨晚（7日）现身翁静晶的网上频道《危险人物2.0》，他先讲到当年真正事业低潮，并非因为说了一句“一刹那光辉唔代表永恒”遭封杀，而是因为唱片公司不肯履行出碟配合五场演唱会的承诺，令其1988年红馆演唱会泡汤。即使多年后他也未能再踏红馆，甚至在2004年遭30多个势力人士围殴，他说：“啲帮会人士嚟揾我，佢唔想呢件事发生，佢要保障佢辖下嘅人。”他更罕有除下太阳眼镜展示右眼伤势，并说：“大佬，用铁莲花插只右眼，你知唔知？如果打低少少我呢度爆咗！”不过由于当时媒体指他是“四大癫王”，令他控诉及追讨无门。

蔡枫华澄清“一刹那光辉”真相　风波翌年事业丰收否认遭TVB封杀

蔡枫华想开红馆却得罪势力人士　不愿明言内情

蔡枫华继续讲到张耀荣在电视公开承诺会再为蔡枫华开十场、八场演唱会，结果得罪了势力人士：“香港有势力人士就嚟揾我，你明白未？啲帮会人士嚟揾我，佢唔想呢件事发生，佢要保障佢辖下嘅人。”翁静晶再问：“即系其实有一班唱歌嘅歌星，就系黑社会所控制，如果有十场八场演唱会，就宁愿佢哋去好过你去，系咪咁？”蔡枫华不作评论，只说：“你讲到咁明显，你惊唔惊呀？（翁：我又唔使出去唱歌）我冇表示意见，我唔知，总之系咁。”

罕脱太阳眼镜展示右眼伤势　称2004年遭打伤右眼要做手术

之后他脱下太阳眼镜，指一指自己右眼，说2004年被打：“冇盲到，但系我做咗手术。”被问到遭谁人殴打，蔡枫华说：“黑社会啰，又系为咗红馆，因为我知小凤姐唱唔晒，谂住揾张生（张耀荣），点知又俾人围。（翁：有冇报警？）你真系问嚟都多余。”翁静晶指多年前的香港娱乐圈确实黑暗，蔡枫华再透露自己曾在美国被四支枪指住个头：“𠮶次就唔系为咗钱，𠮶次系有个女艺人唔知做乜鬼嘢，搞是搞非，煽动啲人、又蚀钱，就上嚟指住我话我有份，我话我冇份㖞大佬！我嚟表演咋去大西洋城，就系咁啰，唔想讲呢啲嘢喇。（翁：点解你成日俾人虾？）我斯文人，无花无朵。”

详述2004年遭30多人围殴经过　因被封“四大癫王”报警冇人理

讲到当年被传媒冠以“四大癫王”称号，甚至暗指他有不良嗜好，蔡枫华说：“我唔埋班，但系唔代表我敌视你哋。每个人都有自己本身嘅嗜好，而家呢个蔡枫华真系……嫖赌饮荡吹五样都唔关我事，已经几十年。”这个外号对他影响甚大，甚至他被打之后去报警求助都不获受理，他先忆述当年被打经过，指遭到30多人围殴：“佢哋有计划、有组织、有预谋，𠮶时我住偏僻地方，佢哋揾个人嚟话‘蔡生，呢排有个男人嚟揾你，问你住喺边。’首先畀咗一个错觉你，觉得屋企唔安全，𠮶晚我喺澳门，去威尼斯人，唔系赌钱，系想去揾一个Entertainment manager，𠮶晚我已经知道危险，因为我返嚟嘅时候，遇到啲的士司机架架都系𠮶啲人，我上到去已经惊，就谂住上深圳避一避。上𠮶啲巴士，离开咗，后面有七、八个古惑仔喺度唱《绝对空虚》，跟住我一齐上，过咗关之后去到𠮶个位，佢哋就响朵，话‘我哋系边度，你揾边个同你做红馆呀？’我话‘张耀荣先生，得唔得？’佢哋唔敢郁手，到我上咗的士，睇吓佢哋会唔会跟住我，冇吖，去一去桑拿地方，谂住睇吓有冇事，一出返嚟，30几人等我！喺深圳出面等我，喺深圳打我！”

右眼因袭击永久受损　曾想找何鸿燊求助

他指自己因这次而有创伤性青光眼，右眼视力永久受损：“大佬，用铁莲花插只右眼，你知唔知？如果打低少少我呢度爆咗！”虽然未至于失明，但视力确实比以前差，因此要长期戴太阳眼镜。翁静晶问他有冇立即去医院，他说自己先返香港再去屯门医院缝针才回家：“我返屋企再去澳门，想揾何鸿燊先生，因为张生介绍咗佢俾我识，我谂住问佢边班人打我，我𠮶阵未知，但系突然间我只眼黑晒、蒙，我就即刻坐船返香港。啲人就话即刻打999 ，我就即刻去咗医院急救，𠮶时啲CID摆明车马，话蔡生唔适宜落口供，佢写嘅全部都系大陆𠮶一半，香港𠮶一半佢冇嘅，跟住佢睇都唔睇，就俾返封信，我话系common assault（普通袭击），我就写返封信话唔系。”

因癫王称号被质疑“黐线”讲话冇人信　翁静晶心痛落泪愿助翻案

蔡枫华直言当时因为被称作“四大癫王”，就算他述说自己遭遇，都只换来一句“你黐线㗎嘛！你讲嘢我点会信？”他深思熟虑后，去信保安局，喊住讲自己经历，案件才交到警务处，之后辗转经过多轮，档案也是不了了之：“我要求佢重新开过，我话畀你听我唔理𠮶个系乜乜大哥，𠮶班人有几多势力，我都要攞返个公道！”翁静晶闻言当然为蔡枫华抱不平，甚至听到哭了，心痛对方遭遇，并承诺替他翻案，蔡枫华也哽咽：“你都知我一定经过好多好多嘢，一定出过事，点会因为𠮶啲咩刹那光辉永恒，点会系𠮶啲咁嘅嘢？一定有事。”翁静晶指他被黑社会逼害，他坦承的确是，但他就向翁静晶说：“我话俾你听，最好唔好搞，连累咗你……”他强调“呢班人惹唔过”，叫翁静晶千万别勉强。

曾努力提升社会地位求自保　重上《劲歌》盼证明自己仍是歌星

他又讲到，自己在控诉失败后，不停努力提升社会地位，希望能重新得到注视：“我后尾上咗劲歌金曲，我要想办法提升自己知名度同社会地位，你社会地位太低，等于瞓街边，俾人打你一身，边个理你？你个地位已经唔系歌星，个差佬问你咩职业，我话艺人，佢话艺术人呀？已经俾人Underrate晒，一定要提高返自己，起码行返出嚟，我系歌星嚟㖞！唔同晒！”

1989错信经纪沽货身家大缩水　2012年终于再踏红馆

他指自己1989年手持三只大篮筹，后来错信经纪沽货，几百万只剩20万，甚至两层楼都已放卖，之后想再开骚亦缺钱，等到2012年才终于开了一场红馆四面台演唱会：“先试一试水温得唔得先，再谂住再上，点知啲人又话唱到边度唱到边度，因为𠮶时我五行欠呢啲（钱），唔唱唔得，人生嘅命运就系咁，你越系想做好𠮶件事，有啲人不求有功只求无过，本来你唔净止可以开一场，你爆晒㗎喇𠮶场其实，𠮶场红馆爆晒，系冇赞助，都爆晒！但系佢哋唔肯开，因为唔系张生唔肯，系佢哋做嘢𠮶个唔想开，反正都交代到，算啦一场过。我仲要揾食，要唱其他，咪唔高兴啰，我咪一路咁做，后来我又攞到期㖞，又攞到红馆期，我又同张生讲，谂住做，点知张生就走咗。”他只得默默登台做骚跑数，续说：“𠮶时我知自己最薄嘅就系财力，所以我唔理咁多，拉低个头系咁做系咁做，到而家都唱咗50场个人演唱会。”

翁静晶愿出100万助圆红馆梦：我好愿意出

翁静晶知道蔡枫华尚有几个心愿，包括红馆演唱会、广东省巡回、拉斯维加斯登台等等，很想完成其心愿，问他开红馆要几多钱，蔡枫华指越多场当然越平，但他自爆曾找连炎辉所属的保险公司赞助而不果，他最近问过价，开红馆要400万资金，翁静晶二话不说表示可以出100万：“我出100吖！我钟意呀，我系一个好悭好穷又冇钱嘅人，但系我好愿意出呢100万，好唔好呀？最多出到200万啦，好辛苦㗎喇。有心去做点解唔做？钱啫，唔系好大问题，如果要做，佢哋一定夹到出嚟，做乜要听人制肘？400万就400万 ，而家社会唔同，啲人买架车都几百万。”不过蔡枫华就显得不好意思，表示“唔想屈你”，所以暂时未知此事会否成真。