吴卓羲、张曦雯（Kelly）被指因为拍无线重头剧《璀璨之城》戏假情真，以猫传情。今日二人出席剧集记者会，是传绯闻后首度同场，自然成为焦点，虽然问到两人是否拍拖时，卓羲都会叫大家讲返套剧，但双方甜蜜之情溢于言表，Kelly甜笑大赞卓羲“好细心啦，好照顾身边人啦，唔止身边嘅演员，台前幕后都系，又有爱心⋯⋯”而问到卓羲觉得Kelly做女朋友如何，他直言：“做女朋友就梗系冇得顶！”

讲到二人的订情猫猫，Kelly说：“系我只猫，冬菇系属于我嘅！”卓羲指自己在片场抱住的猫猫并非“冬菇”，表示：“猫只只都系咁嘅款㗎啦，我收养同领养好多猫，都系依啲款。”他指二人都有交流养猫心得，因为自己搞宠物食品，都有推介给女方，乘机拉客。问到会否收Kelly钱，他说：“佢嘅号召力底下可以帮我推销，仲出名过我。”谈及会否一齐放猫，Kelly指猫猫唔出街，卓羲则说猫猫只在家中花园散步，记者建议Kelly都可以去卓羲家中探猫，卓羲表示：“好多人都喺我屋企探猫，下次一齐嚟吖！”而Kelly另一兴趣是打机，问会否与卓羲一齐打机，她说打机多数自己打或上网打，卓羲又说：“我系有少少科技白痴，一打机就笨手笨脚，以前细个可能好啲。（记者：咁你咪揾啱人？）你介绍得好好，我下次就揾佢！唔该！”

对于二人的绯闻，卓羲说：“几好呀，我哋个剧又啱啱出，几好呀。（记者：同意呢个绯闻系成立嘅？）我哋个戏，你一睇就知我哋两夫妻嘅爱系成立嘅。（记者：咁现实生活呢？）讲返个戏先。”卓羲戏中会被江美仪打，Kelly则透露被张智霖逼除衫，卓羲闻言表示：“我喺现场㗎，好痛㗎个心！（记者：现实生活见到佢俾人虾会唔会好心痛？）我见到每一个女仔俾人虾都会心痛，男仔嚟㗎嘛！”

问Kelly如何评价卓羲，她说个个都这样问，卓羲就谓：“我都答咗几百次，你可以继续。”Kelly对卓羲赞口不绝，一轮嘴讲对方优点：“好细心啦，好照顾身边人啦，唔止身边嘅演员，台前幕后都系，又有爱心⋯⋯”卓羲见Kelly笑，问她为何笑，记者指是甜笑，Kelly就继续冇停口赞：“佢好容易入戏，对眼好识做戏。”并望住卓羲，令现场记者都“哗”出来，他笑说：“本来冇事，你哋哗一哗⋯”

听Kelly对卓羲如此好评，似乎是“Boyfriend Material（男朋友材料）”，卓羲亦自豪：“咁又系唔错㗎我。”至于他觉得Kelly做女朋友如何？卓羲直言：“好好啰！做女朋友就梗系冇得顶！”而Kelly被问觉得卓羲做男朋友又怎样，她甜笑说：“男朋友呀？唔错吖。”讲到会畀几多分，卓羲说：“满分呀！好未呀？”不过当问到有否戏假情真，Kelly就叫大家睇剧，卓羲就说：“感觉几好，睇咗我哋《璀璨之城》先啦！”

无线高层乐易玲之前曾讲过担心卓羲感情状况，说他靓仔但未有女朋友，卓羲反问：“咁你仲唔帮手？（记者：我哋已经好帮手助攻㗎喇㖞！）随缘啦！”Kelly结束上一段感情后曾透露有人追，卓羲闻言惊问：“系咩？（Kelly：总之就开心啦！）”至于会否担心被Kelly追走，卓羲表示：“点解咁讲？Kelly唔系个个都可以追到嘅。（记者：好似你咁优质就追到！）又唔好咁讲，随缘啦！”