艺人邓兆尊与卢海鹏今日（11日）现身人参主题超市开张活动，提到梅艳芳的骨灰被盗，兆尊指新闻曝光前已知道，亦有人问过自己如何处理，不过待家属回应后才说，因为知道梅艳芳骨灰摆放位置的人不多，更要思考拿了骨灰会得到什么利益。

谈到梅启明痛哭怒轰盗骨灰行为，并表示愿悬红五万缉凶，兆尊直言：“我觉得揾唔返，因为得几样可能性。第一就系热情嘅歌迷，但呢个可能性减低咗，攞咗可以有咩利益呢？如果好似刘师傅（刘家良）咁样系要屈钱嘅话，呢个可能性都撇除咗，因为之前已经揾唔到，可能已经掉咗都唔顶。再其次系私人自己有啲亲属或者朋友攞咗去，或者之后做风光大葬之类嘅嘢都冇人知道，呢样嘢我哋又唔可以屈人哋。”近期多了名人的骨灰被盗事件多了，兆尊都认同：“呢排多咗又多古灵精怪嘅嘢，呢啲都走去侵犯系好奇怪，系好悲哀嘅事。”他续指私下有团队会去跟进事件。

至于问到可会担忧长辈的灵位或坟墓，兆尊笑言：“唔使！我啲长辈全部土葬，有排掘。（祥嫂呢？）祥嫂喺自己屋企，屋企最安全，有好多嘢保卫住，狼狗都十几只，你入到嚟先算。”

早前兆尊在网台节目《娱乐好好玩》中点名谈及王贤志，并爆料王贤志因投资与赌博恐欠债近亿元。兆尊表示：“我觉得有呢个数，以佢屋企家庭背景嘅话，其次要去到走去第二度，一定系不断嘅需索，而屋企对呢个人死咗心先会。因为如果我系个老窦嘅话，帮个仔一两次有咩所谓啫，大家都会咁做啦。但如果返到嚟不断讲大话或者咩，我觉得你已经系唔会有得救，加上佢依家去咗第二度，可能系屋企人安排，好正常嘅嘢。”提到王贤志胞妹怒斥他不负责任，兆尊直接指王贤志唔啱：“佢根本处理唔到件事。”不过就表示没有跟对方联络。