TVB处境剧《爱・回家之三代同糖》（下称《三代同糖》）开播以来，收视与口碑均不似预期。近日有传主角吴若希（Jinny）因演技被指浮夸，加上疑似向“对手”示好，点赞网民建议HOY处境剧《你的保安李宝安》改于晚上 8 时播出以对撼《三代同糖》的帖文，而触怒高层被“照肺”，导致其角色于第 50 集后“被消失”。虽然吴若希及后澄清，指暂别剧组纯粹因家事繁多需要休息，但外界依然议论纷纷。尽管面对演员变动，但《三代同糖》竟反高潮成为今年台庆剧之一，并宣布有多位《开心速递》演员“回家”。对此，有网民认为是剧组“救亡”之举，亦有网民觉得是“变阵”撼HOY。剧组今日（14日）安排传媒探班，车婉婉、李茵彤、何依婷、徐荣等演员均有现身，并正式宣布樊亦敏和欧瑞伟加入。

眼睛发炎急睇医生

车婉婉接受《香港01》访问时，透露前一天眼睛突然发炎，疑因休息不足导致眼火上升。为免影响拍戏进度，她昨日完成工作后便“飞车”前往睇医生。车婉婉透露医生随即为她紧急处理，目前眼睛状况已无大碍，但近日剧组拍摄日程极度紧凑，基本上每日都要“朝八晚七”开工，行程安排得非常紧密。

剧集成为“台庆剧” 车婉婉：多咗个勋章

问到是否因为剧集成为今年“台庆剧”之一，所以进入作战状态？车婉婉直言事前并不知情，甚至要问监制才知道有何分别。“其实我都唔知，我应该要问下监制，我哋变咗台庆剧有啲咩唔同？其实都好开心，因为一直我都唔知台庆剧嘅感觉。突然间唔知边个话我哋系台庆剧，感觉好似突然间多咗个勋章咁样，多咗一件事，亦都令我自己更加要做好呢件事，更加唔可以肉酸，更加要做得更加好！”

有指剧集“对撼”HOY。车婉婉认为TVB在市场上一直面临不同单位的挑战，左右前后都有竞争，绝对是一件好事。“大家其实都系良性嘅竞争，唔同单位会做唔同嘅娱乐节目，无论综艺定系戏剧，有竞争大家就会有进步。我觉得冇话死定打边度，最终目的都系想观众得到好嘅娱乐！”问到高层曾励珍有否亲自到剧组给指示？车婉婉笑言：“我冇见到珍姐啊。我亦冇收到变咗台庆剧后要有咩要求，每日都系好认真做。”

车婉婉形容现在是剧集的“栽种期”，大家都付出好多心机，希望观众多些包容，好的可以鼓励，不好的地方也可批评，让他们改良，加上现在加入樊亦敏和欧瑞伟两位有经验的处境剧演员，是非常好。

谈吴若希暂别剧集

虽然吴若希辟谣是请假暂别剧集，但外界仍多猜测，问件事会否对剧组气氛造成影响。车婉婉表示自己也是收到通告才发现没有对方的名字，并不清楚对方请假的具体原因及假期长短。“我收呢几日嘅通告都见唔到佢个名，即系话佢唔洗返工啦，听闻话佢系请假，请假就唔知几时开始请。”

车婉婉笑言，因为对方请假，原本许多三人的家庭场口，如今重任全落在她与李茵彤身上。“本来有啲系佢同佢女，或者佢同我，变相依家屋企里面得返我哋两个，有啲场口就得返我哋两个撑。不过又有新嘅角色加入，同埋舅父又返嚟，所以其实都好热闹！”

车婉婉透露吴若希请假前的最后一场已拍了，是“离开香港”的送别戏份，“𠮶场戏我哋拍咗，因为剧情讲佢离开香港，𠮶时我哋有一齐拍戏同沟通。”追问当时有否不舍哭出来？车婉婉笑称：“爆裂啊！我个‘水煲’不是浪得虚名，唔可以望住佢，我话‘你take care’，然后就拧走个头，因为𠮶场戏个剧本本来就系咁写。（知唔知佢几时会返嚟？）唔知，因为唔知佢请假请几耐。”

对于有指吴若希“被离开”，是因早前在社交平台上点赞HOY的贴文，车婉婉直言自己没有特意去过问或八卦。“我都系睇报纸写出嚟，跟住我唔敢问啊，问边个？问返佢本人可能佢会好Feel bad，问高层未畀人省过咩，所以我唔问啦，唔好咁八卦！”笑问她之后玩社交平台点赞会否小心？车婉婉自言平时有近视，加上拍剧工作繁忙，看完剧本已经累得不想看电子产品。

谈及剧名为《三代同堂》，如今中间一代缺席会否影响故事架构？车婉婉随即剧透澄清，指剧本设定中她还有一个儿子在加拿大。“原本个剧本就写我有个女、有个仔嘅，个仔喺加拿大住，我自己偷跳返嚟。中间剧情会点发展，会唔会有个仔返嚟？个仔系边个？大家可以估下！”当记者问她心目中有没有理想的“儿子”人选时，车婉婉即时大笑点名：“周嘉洛啰！因为我之前同佢喺《痞子无间道》合作过，做过佢妈妈，所以我觉得同佢合作会好开心！”

吴若希惨成“收视代罪羔羊”？ 车婉婉：歌有歌命，剧有剧命

对于部分网民将收视成绩不理想的责任归咎于吴若希，令她成为“代罪羔羊”。车婉婉坦言：“我畀唔到意见。网民咁觉得，但我又唔系咁睇。”另外也有传剧集有意大换血？车婉婉表示未听闻，但她自言面对一些批评时，心态上难免会有迷失，因为每个新角色和剧集都需要时间让观众去适应和磨合。“真系需要少少时间嘅，但我依家个心态就系，好多嘢我都控制唔到，我唯有每日返嚟做好自己嘅功课，拍好佢。我亦信任我哋嘅团队、导演同监制。”

车婉婉更有感而发：“我经常都觉得，歌有歌条命，剧都有剧条命。将我自己呢一刻做得最好嘅嘢摆出来，希望慢慢过咗成长期之后，观众会接受同揾到钟意嘅点。”

李茵彤赞“妈咪”友善 如朋友般鼓励

身边的饰演吴若希女儿的李茵彤，亦深有同感，直言拍摄对方离港那场戏时，她有把自己的真实情感放进去，“‘好唔舍得妈咪啊，快啲返嚟喇。’都有讲呢啲嘅，但佢都系请假之嘛。”谈到与吴若希演对手戏，李茵彤直言：“有时我做到有些困难或者卡住嘅时候，佢好似好朋友咁鼓励我，话‘OK呀，畀啲时间自己’，真系好Nice！”

力撑古淖文开红馆演唱会

此外，《中年好声音2》冠军古淖文宣布开红馆演唱会。车婉婉坦言当初听到消息时甚至不敢相信自己的耳朵。“我初头听到呢个消息嘅时候，我系‘古淖文？红馆？系真嘅？’后尾确认咗之后，我哇，好开心啊！我Deep down觉得好Proud of him，因为见住佢一路以来由参加比赛到依家，真系好大嘅鼓励！”

对于外界有声音质疑古淖文历尚浅、未够歌或未够班登红馆，车婉婉即时出言维护，鼓励对方不要理会杂音，“唔好理其他，有老世（支持）咪唱啰！用成绩同技能证明畀人睇！古淖文唱Live水准系好高，千祈唔好畀人打击到信心。”

车婉婉更谈起日前到红馆看许志安演唱会，在台下合唱《会过去的》，网民觉得美中不足。当时也在场的李茵彤，笑说：“我喺旁边大叫，心情好激动啊！因为望住一个原唱喺台上，另一个原唱喺身边。”车婉婉则感性地表示：“唔紧要嘅，𠮶一刻焦点完全喺安仔身上。虽然𠮶首歌我有份唱，但我睇住万人大合唱，又有咁多人爱护佢，我好感动，仲开心过上台一齐唱。”车婉婉更期待许志安能开Part 2，因为先前她帮朋友买门票都不幸“被Cut飞”，足见其受欢迎程度，所以举脚赞成。