农夫大赞宣萱对rap有天份同热情 邀唱2026Rap版《热爱岛》
二人组合“农夫”成员陆永与C君最近担任嘉宾主持，与宣萱拍节目，农夫一到埗立即与今次负责拍摄的导演相认！Ｃ君：“真系好意外好开心，导演喺我哋出道时帮我哋拍MV，当年成日畀我哋啲天马行空嘅idea搞到佢头都痛。”陆永：“今次到佢搞返我哋，我哋明明系农夫就叫我哋扮渔夫。不过都系个好嘅idea嚟，胜在我哋咩都carry到，冇难度。”
农夫以“渔夫”造型到大澳汇合宣萱。（公关提供）
农夫与宣萱合作主持《基建威一萱》。（公关提供）
农夫与宣萱合作主持《基建威一萱》。（公关提供）
陆永：“最近Threads成日派Jessica好耐之前唱《热爱岛》条片畀我，我好感动呀！Jessica𠮶种想超越个beat嘅自由奔放，睇得出佢对rap系有天份同热情。”Ｃ君：“早知头先叫埋佢一齐rap，不过依家Jessica升格咗做红馆驻场女歌手，演唱会嘉宾名单几乎一定有佢，都唔系咁容易叫佢开金口。”
农夫大赞宣萱rap天赋。（公关提供）
宣萱期待《人夫集团》爆笑盛况
宣萱：“同张继聪拍咗三集，我觉得佢已经好多嘢讲，点知你哋两个加埋仲多。直头唔系两倍咁简单，系十倍都唔止！我依家好期待你哋三个𠮶个《人夫集团》show会有几多口水同埋几crazy。”陆永：“不如我哋畀个台你rap吓啦就，喺我哋个show搞part‘Rapper Jessica’出道舞台。细细个就喺《难兄难弟》同《美味天王》听过Jessica嘅甜美歌喉，如果变身rapper就真系够晒震撼。”C君：“Jessica如果okay嘅，我哋就写首歌畀你，不如就《热爱岛》2026rap版！咁就演员、歌手、rapper乜都畀你玩晒！”
宣萱期待《人夫集团》爆笑盛况。（公关提供）
农夫接“唱游”任务大展默契。（公关提供）