陈晓华（Hera）今年可谓“戏”势强劲，继《非常检控官》、《死有对证》及《夫妻的博弈》后，连同最近播出的台庆剧《璀璨之城》，一年内有四套剧集相继亮相。陈晓华今日（15日）出席《璀璨之城》宣传活动时接受《香港01》访问，坦言看到自己不同年份拍摄的作品陆续播映，感觉非常奇妙，亦乐见观众能见证她在不同阶段的演技成长。

与张智霖激情戏引热议

在《璀璨之城》中，陈晓华与张智霖（Chilam）的一幕激情戏成为全城热话，两人不仅有激吻戏份，张智霖更伸手入其裙内，画面极具冲击力。陈晓华坦言这是自己入行以来最大的尺度挑战，笑指重温片段时，感觉像在看别人的演出：“其实大致上嘅画面我完全唔记得！所以睇返𠮶阵真系觉得好似唔关我事咁嘅感觉。”

第一次拍摄激情戏，陈晓华视为很好的学习经验，开始都有少少紧张，特别要感谢监制和剧组团队在拍摄期间给予很多意见和极大安全感：“画面大家睇落好震撼，但真实其实唔系咁嘅，拍摄过程好安全。我条裙去到大腿中间，冇想像中咁短，全靠摄影师同监制嘅角度捉得好！（拍摄前使唔使过自己心理关口？）我冇谂咁多，剧情需要我都会做。”

张智霖与监制亲自示范激吻细节

陈晓华更爆料指，在现场Chilam和监制陈维冠亲自上阵为她示范激情戏：“话说我唔知佢哋脑海谂紧啲咩嘛，佢哋讲出嚟我明白嘅，但我又想像唔到究竟系点样㖞，咁不如你哋示范俾我睇啦！跟住佢哋两个男人就喺度示范咗俾我睇啦！我喺隔篱望住‘哗！咁样㗎？’，真系学到好多嘢！（有冇问激吻时，点解要举高手？）系监制谂出嚟㗎，营造Chilam个角色好强势，好似霸道总裁咁。”问到Chilam太太“靓靓”袁咏仪当日有否到场“监场”？陈晓华则表示：“全场都系拍摄团队。”

三集即“领便当”被网民嫌太短

除了激情戏外，陈晓华在昨晚剧中惨死一幕亦大获好评，不少网民大赞她眼神转变到位，情感爆发力十足。陈晓华开心表示“咁就好啦”，“其实呢三集我分得好开咁拍，每次我再拍返嘅时候，我要进入返𠮶个颠颠丧丧嘅感觉。尤其有咗BB，对方又唔畀名份我，每讲一句说话都系插喺我心入面，呢啲位都难度好高。不过好开心出来嘅效果好好，靠剪接师令到整件事好紧凑。”

谈到有网民不满她三集就“领便当”，陈晓华则卖个关子：“你又知我唔会返嚟？会返嚟嘅！会有我嘅出现！”她亦呼吁观众继续追看接下来的剧情，如果大家回响好的话，希望有机会开拍前传。笑指眼利网民发现每次她与陈滢同剧都会死，之前已经有《七公主》和《美丽战场》，陈晓华笑言：“希望我哋下次合作会Happy Ending啦。”

现实中拒绝为爱牺牲一切

问到陈晓华现实中是否都是为爱不惜牺牲一切的女生？她直言：“我唔会啊！我觉得每个女仔都会曾经经历呢啲阶段，喺每一个难关长大啰。（有冇遇过渣男？）如果对方好似剧中叫我去堕胎，我会好难接受。但以前嘅嘢，我都唔系好记得，我系𠮶啲开心宝宝嚟嘅。如果剧中嘅事发生喺现实，我见到即刻走啦，我系好理性。”