璀璨之城丨陈滢为脱衣一幕狂操下半身 张智霖：演员就系要攞到尽
无线台庆剧《璀璨之城》日前播出一集，陈滢饰演的霍佩桦（Sarah）为上位，在张智霖饰演的官孝贤面前脱衣仅穿内衣，大尺度演出惹来网民狂轰，通讯事务管理局证实接获28宗投诉。今晚（17日）《东张西望》播出两人访问，亲自为惹火演出解画。陈滢强调并非卖弄色情，张智霖更直言做演员要“攞到最尽”，并大爆拎手机狂影原来是导演临场加戏！
否认卖弄色情 陈滢：Visually可以大胆啲
对于半裸上阵惹来投诉，陈滢在访问中强调角色并非单纯卖弄色情：“Sarah角色嘅出发点同埋佢个感受背后唔系sexy（性感），我觉得可以大胆啲，即系我个visually（画面上）可以大胆啲。”她续指：“我觉得最important系，如果呢场戏系好lust（情欲）或者系好为性（情欲），咁我都唔会觉得需要好sexy，因为其实佢唔系。”
在旁的张智霖亦力撑拍档，解释角色是真实反映暗黑世界：“其实佢系有一个目的而去做......from the第一步一路落去，点解佢今日要咁做，大家继续睇《璀璨之城》就会知道。哦，原来再睇番之前嘅时候就会知道，咦，正如阿滢所讲，唔系一个sexual嘅嘢，而系it's a plan。”他认为这种极端行为符合角色设定：“可能真系会咁过，如果真系有官孝贤呢个人，有Sarah呢个人，可能真系佢哋会咁做。”
张智霖力证无替身：真系有腹肌
陈滢表示非常信任监制陈维冠，笑说：“我第一套拍《M Club》已同监制合作，同埋系Chilam，我觉得可以进取少少。”对于有网民质疑陈滢用替身或用AI画面，陈滢亲口否认并表示为此下过苦功：“真系要即刻要做gym同埋做好多下半身嘅training啰。”张智霖随即极力作证：“Wow, 有腹肌㖞！真系有，我唔系讲笑，真系有腹肌。”
他又大赞陈滢专业：“我觉得系必须嘅，就不停去刺激对手。我哋其实做演员就系，你点样可以做到最尽𠮶场戏，攞到最尽，攞到个ceiling（天花板）。”陈滢亦坦言演出难忘：“其实都好难忘，我都未做过呢啲咁样嘅... 动作。”
大爆导演加戏：拎部电话出嚟影佢！
谈到剧中官孝贤拿出手机狂影的争议画面，张智霖大爆原来是听从导演指示，自己当时都以为已经收工：“我都边度够胆讲话唔满意呀！一切都系听从导演指示我去拍。尤其系呢一场戏，到陈滢小姐瞓咗落床之后，我心谂：‘哦，咁完喇啩，收工喇？’No! 等阵先，等阵先！我心谂又点呀？‘你拎部电话出嚟，影佢！’”张智霖续说：“系咪真㗎？我话咁影完点呀？‘除眼镜啰！’”被问老婆袁咏仪看到会是什么味道？张智霖一脸尴尬说：“我唔知呀。”但两人拍摄如此专业，相信靓靓都不会介意。