HOY 《你的保安 李宝安》除了五位灵魂人物李尚正、卢颂恩、麦沛东、Meaning王耀宏、Jam曾睿智外，还有不少嘉宾惊喜客串，包括虾头杨诗敏、女神滨崎真绪、杜小乔、还有被俊男围绕的Kaman江嘉敏，同Marco叶振弘有一段像雾又似花嘅恋情。

获王耀宏叶振弘两大鲜肉包围

Kaman虽然演戏经验丰富，却是演处境剧初哥，在HOY新剧《你的保安 李宝安》中，面对王耀宏（Meaning）和叶振弘（Marco），她总算是前辈，所以这天拍摄前都有和两位小鲜肉沟通，希望大家更投入角色，她说：“我想大家熟啲，就会问一啲好深入嘅问题，会问吓你屋企点，以前经验系点，但大家唔好误会，我唔系想真人了解佢哋，只系想大家熟络啲，因为同佢哋喺剧里面嘅关系非比寻常。”

Kaman又说演戏上大家都有交流心得：“我拍剧方面可能经验多啲，但系喺唱歌或者做节目方面，我要同佢哋倾吓偈，就可以再吸收多啲。今朝除咗讲啲感情嘢，讲啲工作嘢，我有同Marco倾吓唱歌可以点进步，我都有谂住出歌，哈哈讲吓啫！”

首吐迷惘心声

Marco之前提过只有一日戏份，怎知这天也在拍摄现场看到他，原来他加了戏，而且角色性格更与之前不同，所以他说特别好玩：“同之前‘送货勤’角色相比，系另一个状态嘅‘送货勤’，简单嚟讲，就系有女同冇女嘅分别，有追女仔。（之前话把声嗌到沙晒，今次呢？ ）今次好啲，拍咗半日把声都仲健在。（咁关心把声系因为你出新歌。 ）多谢！呢首新歌系关于离别，我唱嘅时候唔会特别开心或者唔开心，纯粹会勾起以前记忆，系一个几回味嘅过程。以前有几开心，而家就会有几挂住以前嘅时光，系一个咁嘅感觉。（而家开唔开心？ ）我而家适应紧，当然冇以前咁踏实，以前有公司安排一切，有人帮你打点一切，而家都有经理人照顾我，但系感觉上自己控制多啲嘢，有佢嘅好，但系都会更加迷惘。”