歌手许志安日前圆满完成其个人演唱会，现场气氛感人至深。歌后妻子郑秀文（Sammi）今日（22/10）出席品牌活动时，接受《香港01》访问，大谈陪同安仔走出低谷、重新踏上舞台的心路历程。

陪伴走过七年低谷 坦言“功劳全属于他”

许志安11年再度开唱，经历了长达七年的起伏与沉淀，如今重新站上舞台，令不少歌迷与身边人感慨万分。被问到作为妻子一直默默低调支持，是否也是幕后功臣之一时，Sammi谦虚表示，所有的光芒与努力都属于安仔自己。

Sammi表示：“都支持，同埋我觉得佢十一年冇开演唱会啦，咁经历咗呢七年，其实佢自己都经历咗好多啦，无论佢人生或者佢个心态或者工作上。难得终于有机会企返上去呢个舞台上。”

见证丈夫紧张与坚持 第一晚过后方放松

谈到整场演唱会中最令人触动的一幕，Sammi坦言自己全程见证了安仔的紧张与付出，直到首场演出顺利完成并获得好评，她的心才真正放下。  Sammi回忆道：“其实整个过程我都好感动，由佢可以开返演唱会开始啦，睇到佢点紧张啦，睇到佢点好珍惜呢个机会啦。到佢彩排完之后觉得‘嗯，有返啲信心’，以致到第一场做完之后得到好嘅 feedback 啦，我都好似‘嗯，我都可以放松喇’！即系第一晚之后我就可以放松，因为觉得‘嗯，啲人好钟意个骚呀’，同埋好感动啰！虽然𠮶个主角唔系我，但好感动！第二晚我就好超脱，极度想食薯片。”

完骚庆祝极简单 庆幸内心获得知足与满足

不少艺人在大型演唱会结束后都会举办庆功宴大肆庆祝，但 Sammi 透露安仔完骚后的庆祝方式却极其简单平实，只需一碗简单的河粉或便当便已足够。  Sammi 笑言：“冇呀，最简单，做完骚第二日，起身想食咩？原来好简单，就系佢食碗越南河粉。简单到咁，夜晚问佢‘想唔想食啲好啲嘅嘢？’‘唔使喇，我想食个饭盒’，跟住佢买咗个唔知咩鸡扒饭……我觉得人呢，有时你个心灵满足呢，其实你食最简单嘅一个鸡扒饭都好知味啰。其实呢啲就系人生啰，人生体会其实你当下满足、感恩，其实食个饭盒、食个鸡扒都咁甜美。”

坦诚两人完骚狂倾偈　感谢观众接纳

对于演唱会大获好评、不少歌迷要求加场，Sammi 表示这一切都是意料之外的惊喜。她指两人完骚后比起狂欢，更多的是深度对谈。  Sammi 说：“其实完咗骚，反而两个做过最多系倾偈。即系反而唔系狂欢，反而系倾偈啰。即系倾返整个骚呀，呢七年一路一步一步咁走过嚟，同埋点样佢走返上呢个台呀，同埋今次观众对佢嘅接纳呀，咁反而倾偈最多。”

被问到会否希望安仔继续开 Part 2，Sammi 则寄语顺其自然：“我谂都冇意料到三场卖得咁好同埋咁快，一直都系意料之外嘅，包括今次咁好嘅反应。咁但我觉得都系睇佢公司有咩安排，同埋睇上天啦！”