TVB娱乐访谈节目《一周星星》今晚（25日）一集请来热播剧《璀璨之城》团队，张智霖（Chilam）、吴卓羲（Ron）、高海宁（高Ling）、张曦雯（Kelly）、江美仪担任嘉宾，接受主持区永权访问，大谈拍摄期间爆笑与崩溃时刻，更爆出多段镜头后不为人知的秘密。

Chilam被公认最阴险  高Ling拍到崩溃爆喊

《璀璨之城》自播出后引来不少关注，特别是Chilam饰演的官孝贤奸到出汁抢晒Fo。讲到剧中边个角色最阴险恐怖，众人都指向Chilam，笑指：“你同阿爹（姜大卫）差唔多，不过你阴险啲”、“佢笑住嚟奸”。而饰演他老婆的高Ling煞有介事笑言：“我唔敢讲啊！惊佢折磨我。”相当搞笑。Chilam罕有挑战反派角色，今次奸到尽令观众刮目相看，美仪姐更形容他“阴阴湿湿好恐怖”，但他竟然唔收货：“睇返片，我觉得自己太多反应再好啲嘅可以。”要求甚高。美仪姐听后向Chilam派定心丸：“我成日同人讲呢套戏一定要睇Chilam，上次Cool魔可以10年，呢个系佢第二个10年。”对Chilam演技给予高度肯定。

谈到“恐怖官家”，高Ling自揭拍摄时一度被逼至情绪爆煲：“我最后系逼到自己匿埋喺窗帘后面喊。”Chilam闻言自首：“Cut咗机之后，佢自己缩埋一角喊，我心谂死嘞！我系咪过分咗呢？问佢OK吗？都未讲完，佢话‘唔好掂我’，冇咩事我出去先。”引来全场爆笑。

Ron罕有公开黑历史

今集“本尊Fact Check”环节追查“Kelly和Ron戏假情真？”传闻，搞笑的是，整个访谈期间，Chilam都有意无意取笑Ron对Kelly处处维护；而Kelly被问到吴卓羲这位剧中老公有甚么优点时，即甜爆幽默回应：“多到讲唔晒，《两周星星》先得㖞！”甜度满泻。另“你问我答”环节请来黄宗泽（Bosco）、薛家燕、陈豪（Moses）、王丹妮等隔空提问，包括：“Chilam，你会让儿子入娱乐圈吗？”、“Ron，你有甚么黑历史演出？”Ron罕有公开黑历史，想睇《璀璨之城》团队爆笑又崩溃的专访，敬请密切留意今晚播出的《一周星星》。