陈星妤昨日（1日）出席TVB台庆剧《玫瑰战争》宣传活动，她指自己同杨茜尧、马国明、陈豪、黄庭锋较多对手戏。谈到《玫瑰战争》与《女神配对计划2》同时出街，曝光率高，她说“托赖”，又指已无其他作品存货。讲到《女神2》中，她于玩水一幕被指对陈若思（Amber）好狼死，星妤就回应：“我唔系想杀咗Amber，纯粹表情管理有啲差。”至于俞可程被踢爆疑似扮单身，她就透露节目组事前有“Fact check”，所以好难隐瞒，亦觉得冇必要扮单身：“我觉得要收收埋埋，俾人发现嘅后果仲衰。”

《玫瑰战争》揭娱乐圈黑暗斗争：原来可以咁样

陈星妤指今次在剧中再做比较年轻的角色，都有点压力和紧张，透露不会有太性感演出，因自己不是性感路线，属阳光、健康一类，又指：“唔系套套剧需要，都有唔同地方见到我着泳衣，唔使每套剧都着。”《玫瑰战争》讲的是娱乐圈黑暗斗争，陈星妤指自己是后辈，不太清楚前辈手段：“但系当然我都有听闻，我都觉得有啲夸张，原来娱乐圈可以咁样，呢啲嘢系我自己平时冇谂过，所以我觉得剧集剧本都写得好好，依啲真实嘅嘢可能都将佢呈现咗喺剧集，等大家知道可以系几黑暗。（记者：有冇你似曾相识嘅情节呀？）佢入面都有好多情节，我就唔可以话有经历，因为佢哋争斗𠮶啲，我系后辈所以冇经历，但系我见佢哋拍，有一啲我嘅记忆入面……我哋未争斗到咁，可能我未到𠮶个争斗程度。”问有否遇过“批踭”等事件，星妤笑说自己比较瘦不会批到人，但反而会被“大只仔”们一个转身批到。

水战箍颈扯衫被批“赢游戏输人品”　认表情管理差

《女神配对计划2》中，陈星妤被指于玩水时非常狼死，对陈若思箍颈、扯衫、揿落水，网民指她“赢游戏输人品”，星妤回应指自己表情管理较差：“我唔系想杀咗Amber，纯粹表情管理有啲差，其实我真系好攰，我只手冇乜力就唯有表情用力少少。（记者：好想赢？）大家都好出力，不过其实可能我真系……表情管理比较差啲只可以讲，好难上面笑住下面用力，当身体唔够力，个面就畀啲力。”而节目出街后，陈星妤再就事件发文，称感到自责：“睇返今次节目，我有认真反省。当时太投入比赛了，冇控制分寸同力度，心里真系唔好受。Amber，抱歉令你受伤了。见到你嘅瘀伤，我好自责，希望你快啲好返 ❤️”

俞可程陷假单身疑云　陈星妤指节目有fact check：好难隐藏

陈星妤在节目中透露自己单身约四个月，而自称“单身一年半”的俞可程近日却被网民踢爆是“假单身”，指7、8月时见过她与肥仔男友一齐去元朗Cafe拍拖，甚至目击到二人揽腰、喂食嘢等，网民狠批她为上节目狠飞其男友等等，陈星妤就透露节目组有向女神们确认是否单身：“系有Fact check，拍之前都会问，之前一开始见又会问吓，都唔会想隐瞒任何嘢。我觉得拍呢个节目好难隐藏，就算你真系有男朋友，对个男仔都唔公平，同埋辛苦，我觉得要收收埋埋，俾人发现嘅后果仲衰过你想节目上多啲人认识，个效果反而唔系咁化算，我觉得冇乜必要唔系单身都扮单身。”