宣萱今日（6/11）出席健康产品宣传活动，以一口流利的英式英语，即场教大家读出产品所包含的元素，其中一个包含“Bifidobacterium”（双歧杆菌属，长达15个字母）等专业词汇的复合名词“Bifidobacterium Co-Culture”，一样难唔到宣萱，完美展示正确发音，获得全场尖叫和掌声。问到宣萱的饮食习惯，她现已改食原生食物，不食加工产品，对份量亦有一定坚持。此外，她又爆老板古天乐的一个用餐小秘密，就是要有人负责夹𩠌︰“佢成日挂住讲嘢唔食嘢，要夹畀佢佢先会食，只碟无嘢就唔食，所以坐佢隔篱就负责夹嘢。”

宣萱亲授100g减肥餐单！

宣萱现时会坚持均衡饮食，除了要出外见朋友用餐，否则在家都会食得清淡，份量亦有限制。“每餐都是100g肉、鸡猪牛都得，然后100g菜、100g饭，姐姐会帮我磅晒。如果真系要减肥，就唔食饭，改为150g肉加150g菜。”而每日亦限定只食早餐及一个主餐，早餐亦相对丰富。

笑老板古天乐只饮水同抖气

这个接近一日一餐的食法，跟古天乐的非常相似，但宣萱就笑指对方只饮水同抖气！她又爆跟古生出去应酬，要有人负责夹𩠌。“因为多数跟人食饭聚会，对方会不时请教佢，佢就成日挂住讲嘢唔食嘢，要夹畀佢佢先会食，只碟无嘢就唔食，所以坐佢隔篱嘅就要负责夹嘢畀佢。而我通常坐附近都系负责食。”

虽然现在坚持健康饮食，但宣萱惟独有个坏习惯改不掉，就是夜瞓。“我系唔需要瞓太多，可能因为钟意工作，去到现场就会醒晒。每日午夜12点就好精神，寻晚都4点先瞓，尤其知道第日要工作，唔系紧张，系会谂下听日嘅工作内容，要讲啲乜。否则平时瞓5个钟OK，之前试过瞓8个钟，反而被人话个样好攰，瞓5个钟反而好精神。”