北区公厕清洁工布置鲜花又靓又干净　港女分享经历：系我安心之所

靓靓公厕难求！有女生近日发文大赞粉岭北区公园的公厕“又靓又干净”，清洁阿姨更会定期更换鲜花布置，画面所见厕所十分整洁，足见清洁姐姐有做足工夫。网民还分享了更多该厕所的照片，有港女更指自己曾失业后陷入低潮，当时要骗家人“仲有工返，成日系呢个公园坐喺度睇书，见到啲花冇咁难过”。不少人分享其他香港优质公厕之余﹐还提醒大家身体力行“可以1823揾食环署表扬佢㗎”。

公厕定期换新花“又靓又干净”

楼主在Threads发文，分享北区公园的公厕图片，大赞“又靓又干净，姨姨定期会换新花，觉得要加佢人工”。照片所见，厕所的洗手盆位置，多块镜子前都放置了不同种类的鲜花，白、蓝、紫、粉红配上绿叶，用花瓶盛载，色彩非常艳丽。公厕整体十分整洁，地上无多余积水，与公众对公厕“污糟邋遢”的印象大相迳庭，可见清洁姐姐有做足工夫。

港女曾失业去睇书　“呃屋企人仲有工返”

有附近街坊分享该公厕去年情况，当时亦放了不同鲜花，又指“去呢个厕所系好开心！开心有人同我同一感受”。有港女分享，自己有段时失业后陷入低潮，因这个厕所和屋企有距离，“呃屋企人仲有工返，成日系呢个公园坐喺度睇书，见到啲花冇咁难过”、“曾经系我安心之所，亦都系呢度念通咗揾咗人帮我”。

网民激赞：墙上面嘅砖反晒光

其他网民笑指“阿姐系好enjoy工作啊！把环境布置得美美的”、“清洁姐姐：呢度我office嚟，当然要布置得靓靓，咁返工先会返得开心”、“香港也有咁靓公厕”、“见到真系畀利是佢”、“好干净，墙上面嘅阶砖反晒光”、“呢个行为真系佢好用家好，应该加人工”、“但往往呢种员工都系畀高层无视”。

网民分享其他优质公厕

优质公厕可遇不可求，网民分享其他优质公厕，“赤柱个公共厕所都好靓，好干净”、“大埔火车站𠮶个厕所都系咁好靓好干净，唔知系咪同一个姐姐。多谢佢同辛苦哂用心令到个厕所咁舒服同干净”、“联和墟图书馆洗手间都好干净”。有网民又有另类“推介”，“唔该你来元朗两个公厕参观下，一定吓死你，用咁多公帑起（康景街𠮶个）， 汚糟到….可能周围附近太多大陆大妈使用，所以唔会再去”。

（Threads）