饼店收工特价各$16　买3件竟收$50　港女投诉店员1句回应嬲到公审

做生意最紧要老实。有港女夜深肚饿，在旺角见到有饼店仍未关门，想买蛋糕做宵夜，店员指快收工提出优惠每件16元，港女选了3件合共48元，但店员表示以电子支付收她50元。初时港女不以为意，后来用计数机一计发现对方多收2元，立即提出更正，惟对方竟表示“唉，𠮶$2你都同我计”，令她感到不忿，于是在网上发文公审。有网民认为店员“摆明呃你㖞”、“畀我唔买，直接走”。

有港女在Threads上发文大呻买蛋糕差点被骗的经历，而最令她最感到不满是“返到屋企好嬲咁讲返件事嘅同时食蛋糕，全家一致认为好难食！干噌噌！芝士嘅无芝士味！开心果都无开心果味！清蛋糕最基本既蛋香都无！流心嘅酱一味死甜！$16件真系畀多佢！”，楼主亦承认当时想息事宁人，希望大家“千祈唔好中我中过嘅伏”。

网民：畀我唔买，直接走

帖文引来网民热议，不少人认为“咁都得，摆明呃你㖞”、“畀我唔买，直接走”、“咁唔老实！唔系$2都同你计，系你连$2都呃扮平咗咁！最差系啲野难食，楼主惨惨”、“我发觉而家有好多人都‘借啲意’侧侧膊唔多觉，估唔到连面包蛋糕都要呃人𠮶$2，仲要用电子支付都要呃，电子支付就系为咗明码实价”。

（Threads@jamie_ben）