食争鲜“将寿司碟踢台底”！2年轻人笑拍片当流量密码　网民炮轰

为了拍片争取流量，可以去到几尽？有男生日前在社交平台分享影片，显示2名男生疑似到争鲜（争鲜回转寿司）用餐，其中1人将寿司碟放到台底，用脚踢到较内里的位置，之后现场传出多人嬉笑玩闹声音，楼主更将影片加上标签“#流量密码”。

影片的确惹来网民注目，多人留言抨击有关行为，直斥“人哋做生意都要成本”、“争鲜已经好平民啦，好心唔好做到咁cheap”。有人质疑片主为博流量，“为咗要有人睇，乜X都做得出嘅时代”、“戆X，摆上网等俾人拉，傻X”。

后生仔到争鲜用餐“将寿司碟踢台底”　嬉笑玩闹片挨轰

有男生在threads帐号“swh_0724”上传影片，并标签“流量密码”，片中画面可见至少有2名年轻男生到争鲜用餐，其中1人拿着手机拍摄影片，另外1人则将1只白底带有黑纹的寿司碟放到台底，并用脚踢到较入内位置，现场传出多人不断嬉笑玩闹声音，有人更问：“影唔影到样？”。

影片看不到现场人士，而楼主则戏称“宜家啲人食争鲜食到咁”，引来网民纷纷留言谴责。

网民爆粗斥：咁乞儿唔好食啦

有人认出该只寿司碟为店内价钱最高一碟，但就批评片中少年无品兼无耻，“用脚踢只碟好X污糟”、“有无咁X穷”、“争鲜已经好平民啦，好心唔好做到咁cheap”、“食争鲜都搞成咁，返龟食蕉吧啦”、“咁乞儿唔好食啦”、“戆X当有趣”、“人哋做生意都要成本”、“几十年前我老X带我去饮茶，见有人都会咁”。

被质疑拍片博流量　网民：摆上网等俾人拉

有留言更斥责片主为了博流量“做事不经大脑”，“戆X，摆上网等俾人拉，傻X”、“为咗要有人睇，乜X都做得出嘅时代”、“应该会有闭路（电视）影住…睇路”、“有cam实捉到，有心玩嘢报埋警都得”。

（threads＠swh_0724）