增值八达通要收手续费？有网民分享近日在便利店目睹傻眼一幕，有大妈因为使用八达通至负钱，前往增值时以为被扣除手续费，店员向她解释增值后便会自动扣除相应金额，大妈闻言竟称“会扣返㗎？原来唔系负咗钱就当畀咗㗎啦”，又称“早知唔增值啦”，令楼主傻眼不已，质疑“第一次用八达通？First time？”

有网民批评大妈想法“无品”，“争人钱紧系要畀返㗎啦，呢啲咩逻辑嚟㗎？”、“负咗系要找（数），一点信用意识都无”。有人指出八达通公司其实早有应付对策，根本不会“蚀底”，“申请八达通时有50蚊按金，而负钱就系由呢度嚟，所以最多只可以负50（元），超过1毫子都唔会俾你负”、“佢知唔知，佢唔再增值就蚀$34”、“唔识唔好怪佢，笑下就可以”。

八达通扣至负钱　大妈往便利店增值

该目击网民在threads帐号“plus2lam_”发帖，指日前赶上班途中，发现八达通没有钱，便前往便利店增值，遇到有名内地大妈同样需要增值，但听到对方和店员的对话不禁形容“听到头都痛埋”，并质疑对方“第一次用八达通？First time？”

增值后误会被扣手续费　大妈闻店员解释爆1句超傻眼

楼主指，当时店员为大妈完成增值后，大妈突然询问：“乜增值八达通都要收手续费㗎？”店员不明所以，反问对方什么手续费，大妈指她给予店员一张100元纸币，而八达通却被扣除16元手续费。店员于是解释，指是对方早前使用八达通并用至负钱，增值后便会自动扣除相应金额，大妈闻言竟称“会扣返㗎？原来唔系负咗钱就当畀咗㗎啦”，又称“早知唔增值啦”，令后方排队的楼主傻眼不已。

网民狠斥无品：争人钱紧系要畀返㗎啦

帖文引来网民斥责大妈贪小便宜，“都黐线，用咗嘅钱可以就咁负数嘅，唔使填返嘅？”、“负咗系要找（数），一点信用意识都无”、“争人钱紧系要畀返㗎啦，呢啲咩逻辑嚟㗎？”、“佢讲得出早知唔增值，就会教人下次嚟香港用八达通，最尾一次要使尽佢到负数”。

申请八达通需先付按金　网民笑：唔再增就蚀$34

但有人指出八达通公司其实不会“蚀底”，“其实可以负钱系因为有畀按金”、“申请八达通时有50蚊按金，而负钱就系由呢度嚟，所以最多只可以负50（元），超过1毫子都唔会俾你负”、“最好佢每次一负钱就弃卡买过张，八达通公司赚到笑”、“佢知唔知，佢唔再增值就蚀$34”、“唔识唔好怪佢，笑下就可以”。

（threads＠plus2lam_）