港人游日本搭地铁聊天播片！大叔叫quiet　港爸1句反击斥：冇礼貌

【日本旅游】不少港人视到日本旅行是“返乡下”！有港男近日在网上大呻，指一家五口游日本坐地铁时，以“唔大声”的音量“倾计讲笑”、儿子则使用手机看影片“正常声量唔大声”，突然间有名中年大叔行近频频说日语“完全唔知佢讲乜X”，并疑似说出英语“quiet”（安静）。他形容对方非常激动似“我杀咗佢老豆老母”，直到他大声喝骂，大叔才终于行开。

港男不满日本人“越嚟越冇礼貌”，强调同车日本人明明也有聊天，“摆明针对外国人”、“狗眼看人低”，但其帖文马上被大批网民闹爆。

港五口家游日搭地铁聊天　儿子手机睇片称音量不大

该名港男在连登讨论区发文，表示“日本人真系越嚟越冇礼貌　搭个地铁都要受气clx”，并上传1张日本地铁车厢照片，拍到1名身穿格仔裇衫大叔的背影，告示牌展示正前往吉祥寺，相信正到东京旅游。

港男称带父母及妻儿一家五口游日，早上去坐地铁，上车“好自然倾下计讲下笑 （自问唔大声，正常人撘车倾计嘅声量）”，儿子使用手机看YouTube影片，虽然开声但音量不大。

日大叔行近“讲一堆日文”疑叫“quiet”

一家人言谈甚欢之际，有名中年大叔走近“讲咗一堆日文，完全唔知佢讲乜X，之后又话咩quiet（我估，佢啲口音好难听），唔知以为我杀咗佢老豆老母clX”。楼主一家未有理会，但大叔未有住口，仍在自说自话“劲XonX”。楼主忍无可忍，在车厢内大声喝骂“行X开啦X你老X”，这才将大叔赶走，一家人原本心情大好，“劲X影响我全日心情”。

车厢内日本人有聊天　质疑针对外国人

楼主强调，当时车厢内的日本人都有聊天，认为大叔的反应明显只是针对外国人，“根本日本人就系睇其他人唔起，狗眼看人低”。

网民指日本地铁要求静到无声

网民解释，其实日本人在公共交通工具，例如巴士地铁等都要求极度安静，也不准讲电话，“东京系要静到放屁都听到”、“人哋文化就系唔想打搞到人”、“人哋个车箱suppose系静到无声咁滞”、“日本人连信息声响两下都啤X住你，所以楼主俾人X唔出奇”、“日本电车可以食嘢，但电话唔可以开声，同几大声系无关系，你搭车嘅时候，车上有广播叫你手机要较静音”。

遭狠批“影衰香港人”

楼主更“围炉”失败，被许多网民留言闹爆，更希望他“唔好再去日本”，“车上睇片开声已经要X啦”、“影衰晒，仲好意思上网话人”、“楼主𨅬啦，好羞家呀你”、“咪X影衰香港人啦”、“佢XX你好合理”、“X你老X用speaker仲声大夹恶”、“你成日自己觉得唔大声，可能对香港人嚟讲都系大声，只系香港人比较少当面XX你”。

楼主无奈留言“算啦，大家停止讨论吧”，有网民笑言“睇到全部回复都系X楼主，我都安心啲”。