2少女吓保安！见他入睡行近拍铁闸　笑拍片网民闹爆　现身这样说

贪玩也要有分寸！网上流传影片，有2名少女在商场内发现1名保安员在办公椅上入睡，决定拍整蛊影片，通过猜拳决定由其中1人行近与保安自拍，之后突然大力拍打铁闸想吓醒保安，2名少女全程在脸带笑容。

影片其后被网民转载，许多人大闹2名少女“OnX当有趣”，认为大可叫醒保安，“如果阿伯有心脏病就有排你烦”。被网民闹爆后，少女疑在网上现身道歉，承认“贪玩去做啲有机会发生危险嘅事”，称会向该名保安员道歉。有网民认为既然她们知错道歉就好，“就畀个机会佢”。

少女与睡保安自拍　突拍铁闸吓醒他

网传片段原本是由其中名1名少女上传至IG，拍摄地点是大埔某商场，当时大部份商舖未营业，2名少女在片中嬉笑猜情寻，由其中1名少女自拍过程。结果粉红色头发的少女猜输了，便慢慢行近1名坐在办公椅上入睡的保安员，“举V”手势与保安员自拍“合照”后，另1名少女突然大力拍打铁闸吓醒保安。在保安身旁的粉红色发少女急步离开，问正低声大笑的友人“你做乜x呀？”。

涉事少女标上文字指2人约好“差包剪揼”，“输咗去同个瞓着咗嘅看更影相，佢输咗，但影相𠴱阵同个看更隔九丈远所以要影多次，为咗惩罚佢，我决定大力拍落道闸叫醒个看更”。

影片被转载　网民公审少女：以为自己好搞笑？

影片被网民转载到其他社交平台，质疑“呢啲人到底咩心态，拍个铁闸吓到个阿个伯，然后仲笑到咁开心，铺出嚟以为自己好搞笑？要玩都唔应该玩呢啲嘢啰”。

网民批“低级趣味”：阿伯有心脏病就有排你烦

许多网民闹爆2名少女，批评是“低级趣味”，“唔好同我讲咩看更阿伯唔可以瞓觉，咁正义，玩输咗叫醒佢咪得啰，使咩做呢啲戆X鬼祟阴湿嘢呀”、“心哋唔好，人哋都有老豆老母，好心啦你见到自己屋企人咁畀人玩，有咩感觉？”、“又系啲Bully完人话玩吓咋嘛𠴱啲人”。网民又指保安年底大，“唔好彩心脏病发就好睇”、“其实真系唔可以乱吓人”、“又咁讲如果阿伯有心脏病就有排你烦”，也有留言为少女护航，“我觉得好好笑㖞，放松啲啦香港人”。

少女道歉称会“向看更叔叔道歉”

涉事少女疑在网上道歉，“喺呢度想为我同朋友幼稚及冲动嘅行为道歉，我哋当时冇谂后果，因为贪玩去做啲有机会发生危险嘅事，我哋承认之后会注意好一言一行”，又承诺“会喺台风后去返现场揾看更叔叔道歉”。

有网民对此收货，认为知错能改充就好，“阿妹，阿叔都系人，出嚟玩咗好多年，你做呢啲嘢阿叔我都做过，错就错！认咗错乖乖哋去道个歉就好啦！网民们，阿妹道咗歉，佢话风暴后会去同保安道歉，就畀个机会佢”。