急急脚提款却忘了拿钱？有热心女生日前见到有市民提款后忘了拿钱，想提醒之际“部机吞咗啲钱”，可惜那人已离去，她顿感“难帮”。惟不少网民留言，指如果一时好心取出现金随时“有手尾跟”，其实最好方法是等候柜员机收现金收回，“千祈唔好懒好心拎（钱）出来，唔系佢报警都有排搞”，就算拿出现金交到银行，也会被告知“由佢食返就得，佢会加返落拎钱个户口”，又指柜员机约1分钟内就会收回钞票。

楼主在Threads发帖，称有人提款后忘记拿钱，“亲眼见到有条友唔记得攞钱就走咗”。片段所见，该部银行柜员机有张100元钞票吐了出来无人领取，正发出“嘟”声及闪绿光，但银行卡已被取走，数秒后钞票被回收入柜员机内。

目击柜员机吞钱：条友已经走咗，难帮

楼主形容“部机吞咗钱，我发现嘅时候条友已经走咗，难帮”。不过，许多网民提醒不要“热心”帮助取出钞票，可能“有手尾跟”、“呢啲唔好多手，到时话少咗张就大镬”、“千万不要攞畀物主，畀唔畀到都有麻烦，有cam㗎”、“我试过衰多手拎咗、点知𠮶个人转眼就唔见咗，结果我要拎啲钱去警署报案，搞咗两个钟”。

网民分享经历：由佢食返就得

网民提醒遇此情况别取出现金才是最佳做法，“唔好拎走系最好，银行会跟到”、“吞返过几日会自动入返户口”，又指试过取钱后到警署，警方未有落案，转到银行会帮忙填表找失主，“其实由佢食返就得，佢会加返落拎钱个户口，系𠴱次之后先学识”。

有网民好奇到底提款机要多久才会收回现金，有留言指“我估1分钟左右，因为上星期我试过追出去追个叔叔叫佢返嚟，𠮶度系上落电梯，佢上返嚟一层大约30秒到我睇到佢走𠮶阵又系30秒左右，佢上到嚟啱啱部机吞返啲钱”。