食物敏感后果严重，患者必须避免进食致敏食物！有对花生敏感的食客于网上发文批评寿司郎，指餐厅近日新推出焦糖慕丝蛋糕，他与朋友尝鲜点了份，进食时察觉到蛋糕含有花生，惟有部分蛋糕已吞进肚里。

楼主指出，餐牌和社交平台宣传帖文均未列明蛋糕含有花生，他不满分店管理层人员一度不愿免单，反建议由没食物敏感的朋友吃掉。经理论一番后虽然蛋糕终获免单，但楼主不满店员态度差劣及未有道歉，要求寿司郎做好员工培训。

寿司郎回应《香港01》表示，对有关事宜知悉并表示关注，亦即时向有关分店员工了解详情，现已联络该顾客作出跟进。他们明了顾客对个别食材含致敏感源的疑虑，现正积极研究可取方案。有关产品之食材含有花生一事，该款产品已于事发当天起（即10月6日）即时暂停贩售。寿司郎现正调整商品名称，以及更新有关宣传品。同时亦会加强员工培训，以指导员工对有关事宜的应对方式，以避免日后发生类似事件，致力为顾客带来满意且安心的用餐体验。

该食客于Threads发文讲述事件，指出日前与朋友到寿司郎新蒲岗Mikiki分店吃晚饭，他们点了份焦糖慕丝蛋糕，惟进食时察觉到蛋糕含有花生，“因为本人有花生敏感，食得出花生味，所以当意识到蛋糕有花生嘅时候，有部份已经落咗肚”。

寿司郎蛋糕含花生　食物敏感客误吃

楼主说，“当刻以为系自己睇漏眼”，立即与朋友细阅餐牌及Instagram宣传帖文，发现并无列明蛋糕含有花生，他立即联络店员要求将蛋糕免单，以及反映应在餐牌列明花生致敏源。

店员处理态度惹怒楼主

楼主不满道，“你哋个管理层一行到埋嚟就同我讲‘不如朋友食咗佢，反正朋友冇敏感’，仲话我已经食咗啖个蛋糕，要退钱嘅话，佢会好难做”。

楼主指出，“我心谂我食咗下肚你仲难做，我瞓住喺你舖头俾人擡出去，你应该仲大镬，我唔食边度知个蛋糕有花生，你一早有写个蛋糕有花生我咪唔会叫个蛋糕”。

楼主：返家后呕吐胃痛

楼主表示，最后他与朋友向店员理论，店员才愿意拿走该碟蛋糕并免单，他不满店员“由头到尾态度都好差，连道歉都冇”。楼主要求寿司郎，“麻烦做返好啲员工培训，你哋分店同事嘅处事同埋态度真系好有问题”。

楼主又于留言区补充，当刻管理层人员承认蛋糕饼底含有花生，“今次呢个焦糖慕丝蛋糕，只系写咗饼底用焦糖脆饼整，佢但凡用坚果呢啲字我都会留意吓”。

楼主说，回家后身体出现过敏症状，“返到屋企呕咗次，胃痛咗两个钟，有食敏感药，呢度系我食一两粒花生碎引致嘅敏感反应”，并强调“如果我食得过量多，真系要入医院”。

网民批店员：应即时道歉免单

帖文引起热议，有网民批评事件中店员处理手法，“客人食咗过敏嘅嘢唔系第一时间关心客人状况，而系叫人哋朋友食埋个蛋糕佢？”、“其实识做嘅经理店长，一听个客咁讲就会say个sorry然后话帮佢免咗个蛋糕啦，又唔系贵，快快处理完咗件事，好过后续又要拗又要收投诉，点会仲叫人哋朋友食咗佢，系咪太蠢呀？”。

有网民建议，“你应该即刻扮唔舒服，要call白车，佢哋就知死。你无即场发出来，唔等于之后都唔发作，保障自己。你行咗出去先有事，佢哋未必认你数添”。

网民：餐厅应主动标明致敏源

有网民表示，楼主在点餐前可先询问食物成份，“如果你有食物敏感，你应该优先问咗员工𠮶样嘢嘅食物成份先，如果你无问就私底下叫，就同阁下自理风险无分别”。

有网民认为餐厅应主动标明致敏源，“食物敏感真系可以死人”、“香港饮食行业成日忽视食物敏感呢个问题”、“做餐饮一定要写清楚，尤其本身份食物已经做到表面睇唔出有咩成份，花生要标明真系好基本”、“欧美地区大部分餐厅都会喺点餐时问客人有无任何食物敏感，餐牌都会列明有咩致敏食物，呢个系文明世界嘅常态，望周知”。

（Threads@50000.980.7777777）