女士们每月要承受“大姨妈”到访确实难顶，但谨记切勿故乱弃置卫生巾！日前有港男于社交平台发文，发现有公屋住户疑似高空掷物，将已经使用、沾血的卫生巾扔出窗外，导致卫生巾被遗留地面，他路过时目睹不禁爆粗斥“黐X线”。有网民批评乱弃卫生巾人士缺德，“乜X嘢事呀，咁低质素嘅”、“Bra（胸围），Underwear（内裤）我当佢俾风吹落街，但姨妈巾真系搞唔掂”，亦有人建议主报警。

公屋户疑高空弃置“沾血卫生巾”　目击港男怒斥：黐X线

该港男在threads帐号“_anson.1202”发帖，直斥“黐X线”。从他上传照片所见，现场相信为某公共屋邨范围，地面离奇出现1块疑似已使用、且带有血迹的卫生巾。楼主途经上址见状崩溃称“以为有啲女人花洒X屙到周地都系已经算核突”，又估计是有人高空乱弃卫生巾，故斥“成块M巾掉出街系乜X嘢事”。

网民斥呕心：咁低质素嘅

帖文惹来网民惊呼呕心，“真系好恐怖”、“乜X嘢事呀，咁低质素嘅”、“你仲够姜影相，合埋眼行过算啦”、“Bra（胸围），Underwear（内裤）我当佢俾风吹落街，但姨妈巾真系搞唔掂”、“系咪每座楼都有呢啲女人？我（住）𠮶座有个女人又系咁，每日都掉（嘢）落街”。

估计涉高空掷物　网民建议报警

有留言估计涉及高空掷物，因而建议楼主报警，“可能系从天而降”、“如果系高空掷物，中奖𠮶个人都几好彩”、“以前啲旧屋村成日见到”。有“苦主”甚至分享类似经历，“我厨房𠮶边个窗装咗晾衫架，成日都有M巾掉落嚟，差啲想攞住上门滴血认亲”、“我呢边用过嘅厕纸、胸围、底裤都见过”。

（threads＠_anson.1202）