遇到这种客人，只能说是司机的不幸！有网约车司机分享，指近日接载1对疑似夫妻客人前往机场，他好心询问对方所乘坐的航空公司，打算停泊在最接近他们的登机柜台入口，讵料被其中男乘客怒斥“关你X事呀！”批评他是“憎人富贵厌人贫”，若得知是搭乘廉航，便会看不起他们，楼主只能无奈表示：“无人睇你唔起，放松啲啦！”

帖文震惊网民，纷纷批评男子自卑心作祟，“小人之心度君子之腹”、“搭乜航空公司也好，根本无人会睇唔起”、“其实系佢自己睇低佢自己”，又笑称楼主应这样反击，“喺CX头等度放低佢，够晒尊重啦，等佢慢慢行”、“最差系一头一尾，行都5至10分钟”、“掉去港珠澳落”。

Uber司机载客往机场　问乘坐航空公司被骂：关你X事

有兼职Uber司机投稿至threads专页“officedailyhk办公室日报”，分享日前接载1对年约40多岁、相信是两夫妻的客人前往机场，即将到达目的地时便询问对方所乘坐的航空公司，岂料男乘客即时“扯火”怒骂“关你X事呀！”让他瞬间傻眼。

女乘客见状就让该男子冷静点，男乘客继续动怒，斥责“冷咩静呀？憎人富贵厌人贫”、“知你搭廉航咪睇你唔起啰！搭日航咪收多你几蚊贴士啰！”楼主马上澄清并没有看不起对方，解释“想停喺方便你个入口（接近办理登机柜台）啫”。

男乘客疑忧被发现坐廉航　斥司机“憎人富贵厌人贫”

男乘客闻言怒气仍然难消，“香港机场有几大呀？我唔识行呀？方便？”又指乘坐什么航空公司是他的私隐，女乘客当时立刻向楼主表示“香港快运（HK Express），唔该！”男子仍不依不挠，指责女子不应告诉楼主所选乘的航空公司，再斥其狗眼看人低。

司机无故被骂感无奈　强调：无人睇你唔起

楼主事后在帖文无奈表示，若然乘坐网约车或的士前往机场，大多司机都会顺便询问乘客所选的航空公司，以便客人推行李直入登机柜台，同时强调“无人睇你唔起，放松啲啦！”

网民力撑楼主做法绝对正常

事件引来网民错愕，力撑楼主询问绝对属正常做法，“我都被司机问过几次，觉得好体贴㖞”、“司机都系想停喺最近你check in位，等你方便落去啫”、“车客去机场一定问咩航空公司，大佬我搭HX你喺A段放低我，我都唔高兴”、“条友系咪唔知T1同T2离几远”、“呢个客好明显好少搭飞机”，又揶揄“咁X大枝嘢，话自己坐私人飞机嘛”、“唔该佢以后搭巴士”。

男子被批自卑心作祟：小人之心度君子之腹

留言亦一面倒批评男子自卑心作祟，“小人之心度君子之腹”、“搭乜航空公司也好，根本无人会睇唔起”、“其实系佢自己睇低佢自己”、“自己拣廉航去飞，然后又睇唔起自己买廉航？”、“通常呢类人本身就系憎人富贵厌人贫嘅人”，又指廉航不一定便宜，“UO一啲都唔平，见过CX仲平，只系抢到同抢唔到嘅分别”、“有人俾$6000搭快运”、“HK Express话系廉航，但比其他廉航贵一截，点解要睇唔起”、“呢啲人问佢又X，唔问佢又会话做咩揸咁前先停车，车着佢当自己唔好彩”。

留言建议这样反击

另有人建议楼主应该这样反击，“喺CX头等度放低佢，够晒尊重啦，等佢慢慢行”、“最差系一头一尾，行都5至10分钟”、“车去国泰城放低佢”、“车佢去T2啦”、“掉去港珠澳落”、“车返佢去上车点唔收钱”、“我系你就直接车佢去青山医院挂号”。

（threads“办公室日报”）