乘搭港铁应让座予有需要人士！有港男于网上发文公审1名中年女子，他乘搭港铁时目击该穿黑色上衣中年女子冲前抢位，导致原站在座位前方的孕妇未能坐下，他直斥“咁样冲抢系好可耻”。

网民留言批评，“就算𠮶个唔系大肚婆，咁样冲过去摄位都好肉酸”、“做人做到咁无同理心好可悲”，有网民指出“其实孕妇要坐低，唔单止系身体不适嘅问题，而系安全问题，地铁都会试过急停，孕妇平衡比较差，跌低嘅话真系有机会小产的”。

该港男于Threads发文发相批评，“我可以接受到唔让位畀大肚婆，但个大肚婆已经企咗喺个位隔篱，你冲过去坐咗个位，我点都要post你上嚟”。

港铁中年女抢位　孕妇被迫继续企

港男讲述事件经过，指出照片中原本坐在最左边座位的乘客起身，穿白色上衣孕妇当时站在座位前方准备落座，惟穿黑色上衣中年女子却从褐衣乘客“更远1-2（个）身位冲过去”，“佢系先坐中间再扫摄埋去左边”，然后让老公坐中间，孕妇最终只能继续站立。

网民：咁样冲过去摄位好肉酸

网民批评中年女子，“有能力喺咁老远咁快速摄过嚟争凳仔，其实佢都未去到一定要坐嘅地步，好在佢冇撞到孕妈咪”，亦指出孕妇需要坐的原因，“见到咁嘅事真系好嬲！大肚婆真系好应该要坐，因为试过架车急停，真系会撞到”、“其实大肚企得耐真系会辛苦，有时耻骨痛，有时心跳加速，有人让就最好啦”。

网民指楼主应当场发声抱打不平

有网民认为楼主应当场发声抱打不平，“你有冇出声？我会选择出声帮佢”、“我会开口话佢，咁唔要面咁摄位嚟抢，俾人话都好应该”、“如果真系想帮忙，现场出声绝对有用过放上网”。

有网民则说，“我之前大肚试过俾人推开添，为咗个位，个阿婆好有力气，香港好多人好X街”、“当然我都唔觉得大肚一定要人让座，但系明明见到有空位都要同你抢，其实真系好无奈” 、“其实大肚真系好吃力，希望大家多啲善意！”。