去餐厅吃饭竟也有危险？有网民在社交平台分享，指近日在连锁日式牛丼店享用寿喜烧时，遇到有女食客在卡式石油气炉还未关火时，直接从炉内拔走石油气瓶，导致石油气炉“喷火”，故傻眼表示“食寿喜烧食到争啲俾人谋杀”。

不少网民批评该食客缺乏常识，“呢啲就（系）所谓蠢比恶危险”、“坏人绞尽脑汁，不如蠢人灵机一动”、“而家连食寿喜烧都要考牌”，又质疑正常石油气炉应该设有保险掣上锁，“乜唔会有safe lock，未闩火都掹到咁癫”。

Sukiya食客打边炉突拔走Gas　石油气炉即喷火

“好癫，原来打边炉都要有常识嘅”，事主在threads帐号“yuuhi2000”发文，指她日前首次到连锁日式牛丼店Sukiya吃寿喜烧，却形容“食到争啲俾人谋杀”。她表示，用餐途中突然听到旁边餐台有女生传出尖叫声，之后发现原来对方因在打边炉期间，未有关火便直接从卡式石油气炉抽出Gas（石油气瓶），继而导致石油气炉“喷火”。

港女惊呼：食到争啲俾人谋杀

楼主欣赏店员反应及时，先是上前了解情况，之后再安抚该女生，然后收走被烧㶶的物件，但就不满涉事食客行为，担心不幸导致火警，“如果佢支gas够气，我谂在场所有人都变晒熟人”。

网民叹：坏人绞尽脑汁，不如蠢人灵机一动

许多网民斥责涉事女生缺乏基本常识，“Common sense is not common（常识并非人人都有）”、“坏人绞尽脑汁，不如蠢人灵机一动”、“呢啲就（系）所谓蠢比恶危险，俾店员整咪算”、“心血少啲都唔得”、“咁多手做咩？差啲连条命都无埋”、“而家连食寿喜烧都要考牌”，又质疑正常石油气炉应该设有保险掣以上锁，“啲后生可能用开电磁炉，未用过gas炉？”、“乜唔会有safe lock，未闩火都掹到咁癫”。

夸张事件逐个睇

有留言则分享更夸张事件，“我去游学团𠮶阵，有个领队唔识用gas炉打边炉，又系夹硬掹支gas，最后原地爆炸直接入院”、“仲有𠮶啲原只蛋入微波炉叮又唔笃穿𠮶啲，有次返工行去厕所，行经pantry突然听到个炉好大声有嘢爆炸咁，吓X死”、“以前有个同事将个金属饭盒放落微波炉叮，好彩有其他同事及时发现，如果唔系成间公司俾佢炸咗”、“前排去7-11叮嘢，见到有部微波炉着闪光，有个蠢男仔成个杯面连锡纸放入去，之后就行开咗去睇货架，我即刻揿停再问边个放锡纸入去叮，我成日都觉得便利店员工揾命博，你唔知啲人放咩入微波炉”。

（threads＠yuuhi2000_）