何伯事件一度成为全城热话，有港男在网上大呻父亲犹如“何伯2.0”，大爆多年恩怨。港男感到不忿，因“我警告过佢，濑嘢我唔会理佢，最后言中”，因此父子断绝来往十多年。惟近期父亲因病入院乏人照顾，姑姐劝他探望一下父亲，港男为“畀面姑姐”才到医院放低食物及钱便离开，更扬言“我只提供金钱当还养我嘅钱，其他情感一律不提供”。

帖文引来不少网民热议，有人“支持你，做自己就得”，亦有人认为“佢最起码都有养过你十几年，父母恩要唔要还？”、“你其实又放唔低个衰老豆，你个底系好人”。

有港男在Threads上发文，大呻父子两人的恩怨情仇。他指一家五口由父亲工作养大，但过去十多年与父亲断绝来往，因为对方不听劝告与内地女人来往，“因为同何伯一样！我有警告过佢，唔好黐埋啲大陆女人度，我话衰咗我唔会理你下半世，佢唔理，终于X咗街，结局正常不过，我亦言出必行说了算！”。

港男不满父出轨　仲被骗：X吹讲大话

之后楼主搬离家中，而他觉得最愤怒的是“𠮶时我已搬咗出去，佢约我，一开始佢同我讲上面有女人：不过我会同佢讲清楚，会同佢断㗎喇！”，后来发现父亲出尔反尔，“当年仲天真，思想单纯点会唔信？佢仲叫我唔好话畀阿妈知”，但不久母亲表示要与父亲离婚，“我打畀佢（父亲）质问点解呃我，先讲你衰咗我唔会再理你！，今日我仍想唔通，点解要特登约我X吹讲大话！”。

直至两个月前父子才终于见面，是因“自细都对我好好嘅姑姐，讲到打电话佢（父亲）冇人听我先漏夜焗入去，放低钱就走，叫我留电话我当然冇留！D嘢揾开就揾！”。楼主指“佢（姑姐）都仲关心我老豆，我叫姑姐佢咁衰你唔好理佢，佢仍劝我，所以我点都要畀面姑姐”。

畀面姑姐与父见面　只供金钱不提供感情

至上月收到保险经纪电话，指父亲去英国探望胞姊回来，但弄伤了手，要求楼主去接机，楼主拒绝，又再过数天，他的姑姐再以父亲电话没人接听为由，“先焗到我去睇佢，去到佢话入完医院冇叉电，佢冇事，我放低钱就走！本来我炒嘢执咗好多个月，执咗六位数，一见完佢，我个运势即刻断咗！”。楼主指自己只提供金钱，当作偿还养育之恩，“其他情感一律不提供”。

网民看过事件议论纷纷，意见两极，有人支持楼主“支持你！做自己得”、“对自己好啲就算”、“我系你就唔理佢，咁大个人仲成个细路，当年生你系因为副产品，呢啲人会kick你一世”、“叫你啲亲戚去服侍佢，我支持你，针唔拮到肉唔知痛，唔好理啲人讲乜，因为事情唔系发生佢身上”、“Block晒你老豆同埋企你老豆𠮶边啲亲戚，你冇欠佢哋任何一个，反而系你老豆对你哋唔住，亲戚觉得你老豆要帮嘅佢哋自己去”。

网民意见两极

有网民有近似经历，“同款老窦，有咩冬瓜豆腐揾返个臭X搞啦！”，不过亦有人认为血浓于水，“你其实又放唔低个衰老豆，你个底系好人”、“你唔见、唔理你老豆，你以为开心过见你老豆、理你老豆……系嘅，你就唔使打咁多个字、讲咁多废话啦”、“如果而家系佢最后嘅日子，今世只系相遇，而佢最起码都有养过你十几年，父母恩要唔要还？”。

（Threads@love_myself_more_t）