乘搭巴士不应骚扰司机及乘客。有港男于社交平台表示，乘搭巴士时有阿伯用手机大声播放抖音（TikTok）影片，骚扰全车，即使司机多次广播“请保持车厢安静”，阿伯仍没有收敛，最终司机忍无可忍，停下巴士后走到阿伯旁边，霸气1句令阿伯即时关上手机喇叭并道歉，令司机回复宁静。

事件引来网民热议，大赞司机“做得好”，“个司机型㖞”、“呢啲车长要畀like”；亦有网民认为虽然用手机大声播片行为不当，但应体谅长者，“我谂啲阿伯老咗听力真系弱啲，佢哋开得大声以为好普通，但唔知影响其他人”。

巴士内大声使用手机行为常掀争议。该港男于11月11日在社交平台threads发文，指当日早上乘搭巴士，“想瞇埋眼恰一阵”，就听到有人开手机喇叭大声播普通话抖音歌曲影片，“我心谂点啊，当系自己屋企？”。

巴士阿伯大声播抖音影片　懒理多次“请保持车厢安静”广播

楼主称，本想阻止想关行为，但未能确认声音来源，而巴士多次响起“请保持车厢安静”广播，声音却仍未停止，“连续播咗三、四次之后，啲抖音歌都系无停到，应该全车人都听到”。

司机霸气KO　阿伯即道歉

楼主续说，几分钟后司机终忍无可忍，在巴士埋站停下后，走到下层前排1名阿伯旁边，“好霸气”地大声问“你仲唔熄咗佢？你听唔到我头先广播嘅咩？叫你保持安静啊。你一系熄咗佢，一系落车听，你咁样骚扰到其他人加嘛”，阿伯闻言即时关上喇叭并道歉，车厢回复安静，“（阿伯）好怯咁同司机讲唔好意思，我内心默默为司机大哥拍手，型啊！”。

网民：个司机型㖞

网民看过帖文大赞司机“做得好”，“个司机型㖞”、“呢啲车长要畀like”、“要email表扬司机”、“车长well done，希望阿伯下次用耳机”。也有网民分享类似经历，“我都有次试过坐上层，有个阿伯喺我隔篱一坐低就大声睇抖音，特别𠮶啲尖声大笑声，跟住我喺佢耳边咆哮叫佢细声啲，吓到佢差啲跌电话再塞返部机入件衫个口袋，全程都唔敢拎部机出嚟，终于耳根清静晒，仲有人拍手掌叫好”。

不过亦有网民认为，虽然用手机大声播片行为不当，但应体谅长者，“我谂啲阿伯老咗听力真系弱啲，佢哋开得大声以为好普通，但唔知影响其他人”。