明年1月25日起，乘坐巴士的乘客必须佩戴安全带。有港女于网上发文分享，她日前乘坐九巴，车长于开车前突然开咪呼吁乘客扣好安全带，其说话方式风趣幽默，“尝试习惯揽起佢，试下玩下佢先”。帖文引来网民笑言“大家畀同一份钱畀九巴，点解你程巴士有podcast听，公平咩！”、“又系呢个师兄，睇嚟个师兄做开导游，啲口吻完全系导游腔”、“迟早九巴开车之前都要this is your captain speaking, plz fasten your seatbelt , thank you（这是你的车长广播，请扣好安全带，谢谢）”。

该港女于Threads发文表示，“九巴司机开车前开咪叫人戴安全带，叫人提早养成‘良好习惯’”。影片见到，港女坐在九巴上层，车长开咪表示，“新闻系咪话喺小巴𠮶度有啲警察叔叔上去，睇下边度冇揽安全带就罚钱系嘛，近排仲有啲报章都讲㖞，再去𠮶啲小巴线，仍然都冇人揽安全带。嚟紧法例实施，巴士要唔要揽呀？要啦，系咪呀，大家都知呀，甚至有啲网民讲笑，企位都揽啦，绑住佢啦，系咪呀”，引来乘客发笑。

九巴车长吁乘客扣安全带：试下玩下佢

接着车长进入正题，以轻松搞笑的方式呼吁乘客要佩戴安全带，“大家习惯下佢呀，睇下巴士张凳𠮶度有冇安全带先，有呀，尝试习惯揽起佢，试下玩下佢先，有冇乘客们系唔识玩㗎？唔识玩我教佢玩，不过大家咁聪明，应该玩到出神入化都得啦”。影片听到乘客扣安全带的声音，亦见到有乘客已扣好。

车长点出戴安全带原因：保障自己及银包安全

车长随后点出要佩戴安全带的原因，“因为呢，保障自己安全，第二样嘢，银包入面啲钱都好安全，一罚亲就好重𠮶㖞。小朋友有冇半价㗎？冇𠮶㖞，65岁以上人士有冇优惠呀？都冇𠮶㖞，一样罚咁多㗎吓。大家试下揽起佢先啦，成车有成15分钟先到站嘅，咁呀解下佢揽下佢解下佢揽下佢，玩下先，咁呀习惯咗”。

网民讲述戴安全带重要性：车祸减低伤亡

此外，港女于帖文表达反对立法强制乘客戴安全带的立场，指出“唔戴安全带唔会影响其他人，又唔关乎公德，戴唔戴从来纯属个人决定，到出事真系因为无戴安全带所以重伤/死都只可以怨自己，点解要立法强迫人戴，真是一个迷”。

网民纷纷解释和说明戴安全带的重要性，“有人坚持唔戴安全带，其实你唔戴飞出嚟撞叉死其他乘客，又有可能直接撞爆玻璃飞出车外”、“你未试过撞车情景，冇戴安全带嘅人全部喺架车厢里面打保龄，如果你冇带安全带嘅话你个身会冲前撞到其他人的！”、“因为唔戴安全带，舒服𠮶个系你，但发生交通意外，提供医疗服务，好多时政府提供的，到时候又会话啲医疗服务唔够，又会话消防人点解咁慢，又话点解救护车唔够，如果所有人都戴上安全带， 真系需要去医院的人，唔会有太多，需要消防员拯救出嚟嘅人都唔会太多，简单嚟讲系一个自私行为”。