【大埔宏福苑5级火】大埔宏福苑11月26日发生五级大火，至今造成逾百人死亡，令全城关注火警问题。有香港女子在网上投诉，指今早（11月30日）清晨闻到㶶味而醒来，后楼梯有烟攻上来，担心发生火灾，讵料原来是有人在单位门外的电梯口烧街衣，更打开了防烟门，她拍下情况便向管理员投诉，大骂该户人行为自私离谱，“XKLX而家咩时候仲喺度烧衣”、“你要烧就落街，你自己就开住道门烧，其他人就要焗住闻你啲烟味”。

不少网民也批评极危险，“防烟门大开系咩玩法”、“仲要喺后楼梯烧，一个大吉利市走火警成条梯唔用得”。

有香港女子在Threads上发文，指11月30日清晨6时，被母亲突然叫醒“闻到浸㶶味”，她一出房间便闻到“超大浸㶶味”。因为大埔火灾令她提高警觉，她便打开后楼梯门查找㶶味来源，“行落咗两步啲烟已经涌紧上嚟，10秒啲烟已经去到我哋厨房，朦朦地，所以我同妈咪就行落去，我喺前面攞住部手机影住，落咗两层XKLX而家咩时候仲喺度烧衣”。楼主续说，“影一影低我就上返去，个女人发现咗有人影，佢甚至跟埋我哋上嚟，不过我哋行得比较快，怀疑佢系想睇下边个影佢，我觉得做人唔系咁啰，尤其啱啱先至发生咁大件事”。

楼主发现有住户在大厦内烧衣　向管理处投诉

楼主又指大厦有人烧街衣“唔止一次半次”，“系就算之前系唔系佢，又或者最近有冇发生咁大件事都好，都唔应该喺大厦里面烧街衣”，楼主于是向管理处投诉，“但系完全一啲用都冇，因为佢哋根本都唔惊，人品咁X差，一啲人性都冇，拜佛都冇用啦X你个街”。楼主又认为，“你要烧就落街，你自己就开住道门烧，其他人就要焗住闻你啲烟味”。

帖文引来不少网民怒骂，“仲要喺后楼梯烧，一个大吉利市走火警成条梯唔用得”、“防烟门大开系咩玩法”、“佢咁开住防烟门系唔得，可以报消防”、“报警啦，有你条片拉得”，楼主回应“因为今次都已经同咗管理处讲，如果下次又发生多一次嘅话我哋一定报警”。

网民吁报警　分享恐怖经历

有网民也有同样经历，“上个月我隔篱屋好似半夜烧㶶嘢，佢就咁打开个大门，啲㶶味成条走廊都系，冇响警钟，不过就传咗入我屋企...成个走廊全部都系烟，打落去楼下管理处话会揾人上嚟睇啦，但系都冇人理，𠮶阵已经凌晨三点，行咗出去揾下边度起火定系边度烧㶶嘢，望到隔篱屋个厨房㶶咗，唔明点解佢唔call消防，搞到成层全部都系烟，真系想XX佢”、“我有个邻居最钟意喺我隔篱后楼梯烧衣，仲要一年几次，真系喺正我屋企隔篱！又食烟，不过嘈完佢就冇再烧啦！呢啲人真系自私到震”。

（Threads@moonlalav）