【大埔宏福苑大火／5级火／夺命火】大埔宏福苑大火令全城悲痛，有打工仔受这场火灾启悟，于网上发文说“一场大火，烧走咗我对名利同工作嘅执著”，她以前刚毕业时以为人生要不断追逐，一定要达到某个高度，到26、27岁时已觉得名利不再重要，这场火更令她彻底醒觉，“我发现，我想追求嘅，唔再系身外物，而系实实在在嘅幸福感”。

网民留言表示，“恭喜你，你系羊群之中突然唔跟方向走嘅醒觉羊”、“好多人到咗4、50岁，都仲搏晒老命同身边朋友斗人工、title（职位）、买咗楼未，你咁早识醒觉真系叻”、“大火系黑天鹅事件，生活水准始终都系要靠钱去维持，work hard play hard，不枉此生”、“希望香港人，唔需要出现天灾人祸，先反思人生。个社会营造到个竞争气氛，令到愈来愈多人情绪有问题”。

该打工仔于Threads发文表示，她以前刚毕业时眼光很窄，“成日暗暗比较边个frd揾得多、边个入了大公司、边个入到日校，以为人生就系要不断追逐，一定要达到某个高度”。

打工仔：烧走对名利工作嘅执著

楼主指出，到了26、27岁与大学同学聚旧时，原任职理科教师的她觉得“老师根本改变唔到学生几多”，转行成为数据分析师后，“更加觉得以前太辛苦”，“而呢场火，更加令我彻底醒觉”。

楼主：我想追求实实在在嘅幸福感

楼主说，她开始反思“燃烧青春去换一份粮，值得吗？为了加班费，错过同老公hea喺屋企的平凡日子，值得吗？原来人生唔系一定要揾大钱，够使就得。公司所谓嘅任务、成就系咪真系咁重要？究竟系我想追求？定系公司想我追求？我发现，我想追求嘅，唔再系身外物，而系实实在在嘅幸福感”。

不少网民认同楼主心态，“好多人努力赚钱就系为咗生活开心，但都慢慢唔记得咗咩叫开心”、“系啊，我30岁开始无再打工，今年停下一年去照顾刚出世嘅细仔，系人生最好嘅决定”、“一样想法，今年9月刚离职，收入无了，但每天享受生活，做了好多过去无时间做嘅事，无返工，有时间帮助身边需要帮助的人，经过今次火灾更觉人生无常，活在当下，不想只为工作而活！”、“健康同自由最宝贵，及时行乐，唔好储埋大堆钱工作OT到唔得闲去玩咁笨”。

（Threads@misssallysallysally）