在危难中伸出援手尽见人性光辉！有女乘客上班坐港铁时突眼前一黑晕倒，醒来时发现因被2名乘客扶住，因而没有跌伤，现场更有人替她搽油醒神。当时列车停在金钟，“觉得自己阻住全世界，非常之唔好意思”，但身边乘客没有走开，直至港铁职员接走她。数名职员带她到通风地方休息，叫她饮暖糖水，又拨扇及抹汗，职员更指有市民怕她未吃早餐而送上饼干，令她被乘客及职员的善心所感动，发文大赞“人美心善的香港人”。

有网民也赞“香港人系可爱，在人地有需要时总会伸出援手，你唔需要觉得唔好意思，记得将来都将呢份精神传开去就可以了，祝你一直健健康康”。

有女子早前在Threads上发文，“我想多谢香港人！！”。她指上班坐港铁由尖沙咀往金铁途中，觉得好焗而晕倒，醒来时发现自己坐在地上，“我左边有一位男士扶住我只手，右边有一位女士...好多谢两位及时扶住我令我冇撞亲跌亲”。

女子晕倒港铁车厢　获乘客及职员协助

楼主又听到有人嗌“小姐你有冇事？”、“佢块面青哂呀”，有女士问她“搽唔搽啲油，我点头，佢话佢有薰衣草膏，呢个时候旁边有位婆婆喺度指导‘搽佢云精！人中呀！喉咙啦！”’。

楼主指列车因而停在金钟，她感到不好意思，“但身边嘅人都冇走开，直至地铁职员嚟到接走我，架车就顺利开出”。职员扶她到通风位，“佢哋惊我血糖低所以畀暖糖水我饮，又帮我拨扇同抹汗，前前后后我谂有起码4-5个职员过嚟照顾我，好感谢你哋”。

楼主休息一会后无事，便向职员道谢及上，有职员向她表示：“小姐你系咪未食早餐？有位市民畀咗包饼你呀，你袋好呀”，让楼主感动不已，“这是什么人美心善的香港人！好人们一生平安”。

网民：香港人系好有爱

帖文引来不少网民热议，有人深感荣幸“我以香港人自豪，自豪唔系因为我哋觉得自己劲，而系我哋仍然有恻隐之心，当见到有人有需要时会一呼百应，虽然有时我哋讲说话系好mean，但我哋个心系暖嘅”。有人又指“香港人表面系躁底其实都系形势所迫，但实际上好多人都好有爱，帮得到人嘅一定会帮，亦都唔求回报”、“香港人精神，一方有难，八方支援”。

网民指港铁车厢好焗

有网民又指车厢有时变闷热“最近都觉得地铁同车厢好焗，唔知系空气唔够流通定冷气太弱，有几次自己都差啲晕咗，香港人真系好有爱～”、“㖊日奶奶跌低，都即刻好多人过来扶佢起身，多谢有爱嘅香港人”。

有人认为楼主要小心身体“这样的身体状况，是对你有提示，不能掉以轻心，快啲做身体检查及睇医生”，楼主回应“我本身都有做身体检查，应该只系唔够瞓加上著多咗衫，地铁又焗先会晕低，我会注意身体，都祝你身体健康，香港人，加油！”。