再有长者险堕点数诈骗案？有女生日前在便利店遇到1名婆婆，正向店员了解如何购买点数卡，店员起疑担心婆婆遇骗，于是阻止对方，提醒她即使是“儿子”都要“聊真啲”，并拒绝为其处理收款。楼主续称，期间婆婆更接到可疑来电，催促她“快啲买”。

大多网民直指是骗案，“正常阿婆买来托咩，如果阿婆（识）用嘅就唔会问（点买）”，并提醒大众要多些关心身边长者，以免他们误堕骗徒陷阱，“好多老人家大把钱，啲退休金无地方洗，但无人关心长期寂寞，一有人同佢倾偈就好易沉”。有人赞扬店员极力制止举动，“要多谢佢哋原本可以唔理都努力把关”。

婆婆便利店买点数卡　接电话催促：快啲买

“系咪有单骗案准备发生？”该目击女生在threads发帖，指在便利店发现有婆婆询问职员如何购买点数卡，职员担忧她遇骗，先是拒绝为其收款，再力劝她“唔好买”，又询问她家人是否知情，婆婆虽然回答知情，但楼主之后发现她接获1个可疑来电，催促她“快啲买”。

职员忧遇骗即劝退：就算系你个仔都要聊真啲

影片显示婆婆手拉手推车，站在便利店柜台旁，正向店员了解如何购买点数卡。不过店员觉得事件有可疑，遂向婆婆表示“（就算）你个仔都要聊真啲，真系唔系讲笑”。其实点数卡常用于储值到游戏帐号，不过因可于网上再次转卖，或兑换成现金，所以成为不少骗徒目标，而过往亦不时发生有关点数卡的骗案。

网民列2点断言是骗案　狠斥：阿婆钱都呃

不少网民断定是骗案，“正冚家X，阿婆钱都呃”、“报警啦，趁店员拖住佢”、“即场用佢（婆婆）电话打畀屋企人”、“古有阿婆行得快，一定有古怪；今有阿婆买点卡，一定畀人呃”、“正常阿婆买来托咩，如果阿婆（识）用嘅就唔会问（点买）”、“好多老人家大把钱，啲退休金无地方使，但无人关心长期寂寞，一有人同佢倾偈就好易沉，人老咗觉得自己经验丰富唔会中伏”。有人感激店员极力制止，“近年做销售行业嘅员工都好努力阻止诈骗发生，要多谢佢哋原本可以唔理都努力把关”。

零售业网民分享目睹个案　劝喻不果感无力

但有零售业网民分享曾目睹“冥顽不灵”事件，劝喻不果感到无力，“我之前做7仔都遇过阿叔买点数卡，我觉得对方呃佢就劝佢唔好买，阿叔坚称识对方，但我劝劝下佢又自爆未见过面。然后我见佢唔听劝，就扮收银机连唔到线出唔到code畀佢，佢去第二间买，隔日见佢坐喺街角喊”、“宁愿信电话入面未见𠮶个，都唔信眼前为你好𠮶个”、“如果你好想帮但佢唔听，你已经尽咗力，呢个系佢嘅课题。经一事长一智，后续会点面对系佢嘅决定”。

（threads＠kaga_ss）