满心欢喜期待收货，却看到此画面，任谁也崩溃！有女生于网上发文大呻，香港邮政的邮差送包裹时，将她1件大约A2尺寸的海外“特快专递”包裹“夹硬暴力屈埋对折几次，挣爆塞入信箱”，她非常不满，提到包裹内是颇贵的用品，爆粗道“DXXM，我件货mola（无啦）”。

网民留言批评邮差，“Speedpost（特快专递）正常应该要签收”、“摆明系条友懒，邮局好多邮差都好懒，明明系挂号信，门钟都唔揿，就咁摄张卡落嚟叫你去邮局攞”。有网民困惑：“你个邮箱冇锁？咁大件佢点样由个窿𠮶度塞入去？”女生回复指出，现时有些新楼设有邮件分发房，“邮差系走去信箱后方入信，而唔系喺前面条罅仔入，后面个窿等同成个信箱咁大”。

《香港01》已就事件向香港邮政查询，正等候回复。

该女生于Threads发文讲述事件，不满指香港邮政的邮差将她1件大约A2尺寸的包裹“夹硬暴力屈埋对折几次，“挣爆塞入信箱（包晒几层厚泡泡纸，要折埋都唔易，摆明系物品，唔系信或文件）”。她提到包裹内是颇贵的用品，又认为不论是否贵重，都不应“夹硬屈折”，“重点系，即使系1份文件、1张生日卡、poster，都唔系咁夹硬屈折啲嘢嘛”。

贵重包裹遭邮差暴力屈折塞信箱

女生指出，一向就算上门派件无人收，邮差都会留通知卡在信箱，让收件人去邮局取件，她不悦道“原来而家可以乱咁嚟”，又说她的包裹是海外“特快专递”，直言“香港本地有得拣，一定系用顺丰”。

网民大呼：咁屈真系无得净

网民纷纷大呼，“系咪海报来，好地狱”、“希望唔系月历之类大件纸品，咁屈真系无得净”、“希望唔系贵重的物品，会唔会有得投诉”、“真系好frustrated（沮丧）见到呢啲，如果贵重嘢会灰咗”、“佢入卡叫你去post office（邮局）拎仲简单啦，做咩要咁做”。

网民分享经历批评道，“系咁㗎！成日都系咁！写明严禁屈曲都对折！”、“有次寄证书过嚟，都系被对折入箱”、“我试过好多次，都被人咁折，因为系纪念品，成件折痕无晒价值”、“我有几次挂号，明明屋企有人，佢都冇上嚟就直接入卡，叫我自己去邮局拎”。

（Threads@muimuipiggy）