毛孩放厕格婴儿座椅 女狗主拍照分享遭围攻：小朋友敏感可大可小
撰文： 乔纳森
出版：更新：
让爱犬暂坐公厕婴儿座位引来围攻？有女狗主晚上驾车到山上，因人有三急去公厕，将毛孩放在厕格的婴儿座位上，并拍照在网上分享。照片引来不少网民热议，有人闹无公德心，“觉得咁样用唔妥，呢个唔系佢本来的用途”、“如果下一个坐上去嘅小朋友有敏感嘅话，后果可大可小㗎”。
楼主指自己不想将爱犬绑在厕所门口等候，所以让牠坐在婴儿坐椅。（Threads@car.ha）
女狗主在Threads上发相，相片见到她将白色爱犬放在厕格内的婴用座椅上，并表示因为“人有三急去公厕，但又唔敢摆我只公仔自己喺厕所门口等”。
放狗狗公厕上婴儿座椅被围攻
帖文引来不少网民热议，“希望你以后都唔好再咁做，好似我个女咁，由细开始对动物毛敏感，如果下一个坐上去嘅小朋友都有敏感嘅话，后果可大可小㗎”、“觉得咁样用唔妥，呢个唔系佢本来的用途。用完有无消毒返Baby seat位？下手婴幼儿要用的始终有卫生顾虑，佢哋免疫力比较差容易过敏”、“希望你明白你使用嘅系人类嘅洗手间，而上面写住嘅婴儿同图片都系指人类嘅BB，始终人类BB免疫力都好弱，有返啲公德心”。
不少网民不赞成楼主的行为，“有小朋友对动物毛发敏感会危险”。（示意图／资料图片）
有人亦认为“有冇抺返先？bb用嘅㖞”、“作为又有小朋友，又有毛孩嘅家长，我理解你咁样做，但都希望你之后会用湿纸巾或者消毒喷雾清洁返。一般用呢个位置都会先清洁，再放低小朋友，然后自己去厕所。但始终唔系每个妈妈入嚟都赶得切清洁完再放低小朋友，万一真系有小朋友对动物毛发敏感会危险。互相理解，互相尊重”。
有网民指不应过度紧张：公厕就唔干净得去边㗎啦
有人则认为不用大惊小怪，认为“个个正义X，bb啲鞋踩完落地你哋咪又系俾佢踩上巴士地铁啲凳，狗仔坐一坐有咩问题，用得公厕就唔干净得去边㗎啦”。