迪士尼惊现可疑骸骨？狗狗冲草丛揭石壆藏骨头 狗主吓坏通知职员
迪士尼发现可疑骨头？有狗主在网上发文，指晚上时份带狗狗到迪士尼园外散步时，对方突然跑入草丛放下玩具球，并在地上不停“挖挖挖”，她上前发现1件白色，疑似属人类骨头，大惊下马上通知职员。有网民觉得恐怖，惟更多人列举疑点，认为并非人类骸骨，“人骨正常会再偏黄啲”、“如果系真骨，喺呢啲环境会风化，但图片睇唔到有风化或其他蚕蚀痕迹”。
《香港01》已就事件向香港迪士尼乐园查询。
带狗狗迪士尼散步 草丛发现可疑骸骨
“有无人可以话俾我知，呢个系人骨定系动物嘅骨头？”该狗主在threads帐号发帖，指当时带狗狗到迪士尼附近散步，对方突然跑入草丛并放下玩具球，她觉得奇怪于是上前打算拾回，却意外发现一件怀疑人类骨头，直言当下“吓到心都离一离”。从她分享照片可见，发现骨头位置在园区外围，1件白色、被沾上泥土的骨头藏于草丛石壆下，骤眼看的确有几分像人类骸骨。
迪士尼职员表示：不时有人撒动物骨灰
楼主续称，她饲养的边牧犬平日甚少走入草丛，但牠当时“行到好入，叫极都唔出嚟”，还要放下玩具波，而离奇的是“明明摄住𠮶个位仲大过平时喺梳化条罅”，照道理牠应可以自己拿回玩具波，惟狗狗在上址不断挖掘，她上前继而发现骨头。楼主见状马上通知咗职员，被告知不时有人在乐园撒动物骨灰，因为“想佢哋走咗之后喺呢个开心地方”，指“系动物骨头都唔出奇”。
网民大惊：希望系Halloween啲人特登摄入去嘅玩具
有网民表示惊恐，“希望系Halloween𠮶阵，啲人特登摄入去嘅玩具啦”，但另有意见指狗狗嗅觉灵敏，若然是假骨头并不会吸引牠冲入草丛，“胶嘅话，我估狗狗应该唔会闻到味特登挖”、“人定动物都系帮佢执返条尸，都系好事嚟嘅”、“如果系（人类骸骨）嘅，可能你哋帮咗佢呢，咁谂好啲”、“我都试过见到骨报警，最后发现系动物骨”。
网民列举疑点 估计非人类骸骨
另有人列出疑点，认为并非人类骸骨，甚至不是真骨头，“人骨正常会再偏黄啲”、“如果系真骨，喺呢啲环境会风化，但图片睇唔到有风化或其他蚕蚀痕迹”、“真骨头系有红血球同干细胞，喺生物学角度嚟讲，会随时间的推移而变棕变黑”。有网民于是在留言区标注香港法医人类学家李衍蒨（Winsome），她初步看相片回复“虽然个structure（结构）好似”，但估计骨头并非属于人类。