医护救人争分夺秒，切勿贸然上前打扰！有护士发文大呻，指日前遇到有病人心脏骤停，当全病房医护人员赶着救人时，同房有病人家属竟上前指她妈妈“个肚好唔舒服，又要屙啦”，询问医生何时前来查看。楼主同事表明她们正在抢救，请她稍作等待，但对方随即“黑面”，楼主不满对方上前影响救人黄金时间，于是公开事件。

网民一面倒指责女子自私，“好多人都觉得自己情况先系最急，完全唔理你发生紧咩事”、“如果就嚟死𠮶个系佢亲人，睇下佢会唔会咁讲”，亦有医护和病人家属分享更多令人哗然例子，令人无奈感叹“而家啲人自私到匪夷所思”。

婆婆心脏骤停需抢救　同房病人家属竟这样说

“呢个世界真系乜嘢人都有”，该女护士在threads发文，表示当值期间遇到有婆婆突然心脏骤停，她即时跳上病床进行“CPR（心肺复苏）”，全个病房亦进入“作战”状态，各人分工合作“推车嘅推车，准备插喉嘅插喉”。当同事准备为婆婆注射强心针之时，同房有病人家属突然上前，拍一拍她同事然后表示“姑娘，唔好意思呀，我想问医生几时嚟睇我阿妈？”、“佢话个肚好唔舒服，又要屙啦”。

护士发文斥阻碍救人黄金时间

楼主闻言大为错愕，“我虽然手仲搓紧，但个脑真系即场死机”，质疑“你有无见到我哋成班人围住张床？你有无见到有人瞓喺度就嚟死？你有无听到部机响紧？”。楼主续说，同事呆了1秒后有礼回复，指她们正在抢救病人，请该女家属稍作等候，讵料对方即时“黑面”，更称“问一句啫，使唔使咁呀”。

楼主忆述事件时直斥“黐X线”，又透露对方母亲其实只是急性肠胃炎，但婆婆当时却是停止心跳，不满对方轻易上前打断救人黄金时间，遂公开批评女子行为。

网民围轰女子自私：完全无谂过影响其他人

许多网民怒斥该女子自私，“好多人都觉得自己情况先系最急，完全唔理你发生紧咩事”、“如果就嚟死𠮶个系佢亲人，睇下佢会唔会咁讲”、“呢啲时候最好有第二个睇唔过眼嘅家属，X到佢反艇就好”、“我都遇过唔少人完全唔知乜嘢叫做人情世故、乜嘢叫做适当时候做适当嘅嘢，总之𠮶刻佢想做就去做，完全无谂过会影响到其他人”、“你同事唔X佢真系实属好脾气”、“呢啲人未必系黑心，可能纯粹系蠢到唔知你救紧人或CPR紧唔停得，虽然同黑心一样咁可憎”、“香港多一个呢啲人都嫌多”。

医护、病人家属分享类似经历　全网哗然

有自称同样从事医护网民，以及病人家属分享类似经历，“同样情况下，隔篱床位家属问我哋几时帮佢屋企人斟热水𠻹”、“试过有次探病时间要急救，逼到帘都拉唔埋，竟然有家属举起手机影”、“𠮶日我探紧我爸，咁啱对面床个伯伯心跳停咗急救紧，啲医护即刻拉起所有帘唔畀人进出住，点知有个女仔不停喺出面大叫话：‘你哋围住成个房，我点睇我爸呀’，叫咗好耐，最后系心脏停咗个阿伯嘅家属X条女，话我爸死咗啦可唔可以畀少少尊重，条女仲要话我点知啫”、“曾经见过有个女人问姑娘几时到佢话等咗好耐，姑娘话而家有人急救继续等，个女人话：‘佢都就嚟死啦，仲救咩㖞’”。有人则觉得毋须和对方多言，“其实一手拉帘乜嘢都唔使回，又或者回三个字：抢救紧，完”。

（threads＠tipsy_tszching）