分手要狠，比相恋勇敢！本港有1名女生在网上慨叹，和男友拍拖8年，本身去到谈婚论嫁阶段，无奈无法再忍受男友，明明对方月入大约4万元，不但为人吝啬，“永远出街食饭都AA制”，而且“1蚊都冇使过喺我身上”，她只求生日有份礼物，明言即使是“拎张纸画幅画”都可以，但男友都没有做到。

港女希望男友求婚，“2个人静静地坐喺屋企问我愿唔愿意嫁畀你”都可以，但男友一样拒绝，同时拒绝给予礼金，明言“唔系拎咗你阿爸阿妈啲咩”，令到女方父母大感心痛，认为“自己个女点解要被呢啲人虾”，如今她31岁，“冇信心同勇气再继续行落去”，决定分手，“真系好痛，好惊自己行唔到出嚟”。

大量网民立即安慰“有福之女不入无福之门”、“结婚前谂清楚一律当喜事啦，结咗婚只会仲差，到时要离婚仲烦”、“分得好，支持你，佢根本唔系爱你，只系习惯你存在”。

楼主非贪图物质　男友拒绝为她花费

楼主在threads表示，目前31岁，和男友交往8年，明明去到谈婚论嫁，但“最近终于扚起心肝行前一步，讲分手”，如果男友经济能力欠佳，楼主愿意“一齐挨”，但男友月入大约4万元，却为人吝啬，“永远出街食饭都AA制，今餐你畀完，下餐一定要系我畀”。她又不满男友“1蚊都冇使过喺我身上”，自己并非贪图物质，男友可以在其生日“拎张纸画幅画”送给她，楼主已经感到开心，“我讲到出口，你都冇做到”。

男友拒绝求婚　认为双方已有共识结婚

结婚方面，楼主多次提及希望男友求婚，“唔系要当住咁多人面前同我求婚，亦都唔需要任何仪式，可以2个人静静地坐喺屋企问我愿唔愿意嫁畀你”，但男友每次回答“唔需要”、“大家有共识结婚，求婚嘥气”，觉得完全不需要买求婚戒指给她。

男友拒付礼金︰唔系拎咗你阿爸阿妈啲咩

至于礼金，男友更称“1蚊都唔需要畀，𠵱家唔系拎咗你阿爸阿妈啲咩”。楼主无索向父母转述，父母闻言心痛，认为“自己个女点解要被呢啲人虾”，觉得对方不值得付托终身。

楼主决定分手︰喊咗无数次

楼主自言“喊咗无数次”、“曾经都呃自己，呢啲嘢根本都唔重要”，但每次听到或见到身边朋友结婚过程都非常开心。楼主不停自问“系咪做错啲乜嘢？定系我有啲咩唔好？所以我值得咁样嘅待遇？”，向亲友诉苦，最后决定分手，“冇信心同勇气再继续行落去”、“但系分手真系好痛，好惊自己行唔到出嚟”。

网民︰呢种唔系悭，系情感残疾

许多网民留言安慰楼主，“我觉得对方是真的不爱你，已经宣之于口”、“任何要AA嘅男人都要即飞”、“31岁好年轻之嘛”、“真心恭喜你”、“男人揾4万蚊，连生日画张纸都话唔需要，呢种唔系悭，系情感残疾”。

（threads@iwanttosayhiiii）