中六合彩隐瞒伴侣是否合理？有女生于网上投稿大呻，男友日前买了六合彩马年新春金多宝，两人一同看搅珠结果，当时男友一脸失望称“1粒字都冇中”，怎料多日后她无意中听到男友与家人讲电话，惊悉男友实际中了三奖，有6万多元奖金。女生对男友瞒骗她感难过及心寒，指出两人在一起已有4年，惟“好似喺佢心目中，我始终系个会‘谋’佢钱嘅外人”。

网民直言，“6万蚊都惊要同你分，点结婚呀？早走早着啦”、“如果件事系真嘅，就走，呢啲系咪就系可以共患难不能共富贵嘅人”，不过也有网民认为不应太早妄下定论，“可能佢想买嘢畀个惊喜你呢？”。

2026年第20期六合彩2亿马年新春金多宝于2月21日搅珠，搅珠结果号码为2、18、34、35、37、49，特别号码33。头奖5注中，每注派4218.75万港元；二奖13.5注中，每注派113.425万港元；三奖641.5注中，每注派6.365万港元。

男友买六合彩金多宝中6万扮无中

“女朋友心声：男朋友六合彩中6万蚊但瞒住我，系咪惊我会分佢钱？”该女生投稿至Threads专页“she.c0m”向网民倾诉，男友日前买了马年新春金多宝，两人一同看搅珠结果，当时男友一脸失望称“唉，一粒字都冇中！”，怎料多日后她无意中听到男友与家人讲电话，“原来佢当晚中咗三奖，有成6万几蚊！”。

女生叹：喺佢心中我系个会谋佢钱嘅外人

女生难过道：“我不断喺度谂，其实中几万蚊点解唔可以同我讲？系咪惊我会叫佢分钱畀我？我哋已经一齐咗4年，我以为大家不分彼此，点知佢第一时间系选择呃我，转头就同屋企人报喜。”

女生直言，男友的态度令她心寒，“好似喺佢心目中，我始终系个会‘谋’佢钱嘅外人”。女生询问网民：“如果连6万蚊都要瞒到实，第时点样一齐行落去？系咪我谂多咗？定系呢段感情根本经唔起考验？”

网民：似系怕你分佢钱 VS 可能想畀惊喜

网民质疑女生男友性格“孤寒”，诚信亦有问题，“咁忍得口，中咗通常都好开心会讲出嚟，似系怕你分佢”、“唔系六万蚊嘅问题，系处理做法嘅问题”、“重点唔只系瞒，佢直头讲大话扮失望冇中”。

甚至有网民建议女生要考虑清楚是否继续这段关系，“分手，呢啲人过唔到人世”、“好睇你平时会唔会要使佢嘅钱，可能佢惊你要佢送嘢，不过当你知佢呃你嘅时候，已经失去咗信任，你永远都会有条刺，要唔要继续一齐你自己谂谂”。

有网民就猜测男友是否想安排惊喜，“起码等1个星期，睇下佢会不会系想畀惊喜你，如果真系咩都无，分吧。结婚系生活，生活就系要讲钱”。

（Threads@she.c0m）