相见好同住难！有新抱于网上发文大呻，婚后搬进老公与老爷1,600呎大宅居住，打算可以储钱买楼，没料到老爷某天一大早突然因用洗衣机的问题责骂她，兼赶她出家门，在她搬走当天老公还不幸被解雇，夫妻二人被迫分居约半年才租了个300多呎的小蜗居开始二人生活。新抱直斥老爷：“一啲包容同人情味都无！”

网民留言指出，“如果间屋系佢真系佢大晒㖞，无计寄人篱下系咁”、“无论夫家间屋几大，都唔建议一齐住！100%会多磨擦！平平地租间细单位，两公婆有嘢做唔怕挨落去！”、“搬走咪好啰，少啲见，少啲磨擦”。有网民就说“以为只有婆媳纠纷，原来都有爷媳纠纷”、“清官难审家庭事”。

该新抱于Threads发文表示，结婚初期她搬进了老公与老爷家中居住，打算可以储钱买楼，3个人连外佣住1,600呎大宅，“空间够大，有工人做家务，大家都和谐相处”。惟其后老爷不满意该外佣而解雇，“坚持唔畀请返1个新工人，佢话觉得无呢个需要”，楼主不满道：“你用咗30几年工人，唔请边个做家务？”

用洗衣机问题被老爷赶出1,600呎豪宅

楼主指出，她与老公都有全职工作，而老爷已退休，“咁唯有各自洗衫、买两𩠌饭、间中煮下pasta、用吸尘抹地机械人”，如是者过了3个多月，某天“老爷一早起身就为咗用洗衣机开我波，之后仲赶我走！”。

新抱怒斥老爷：一啲包容同人情味都无！

楼主说，幸好还有娘家可以回去，她亦向老公明言不会再搬回去与老爷同住，就算没钱买楼都要租楼，“但好似拍戏咁，衰嘢就一齐嚟，我搬走𠮶日老公就俾人炒鱿鱼”，结果与老公分居差不多半年，待老公找到新工作过了试用期后，就租了个300多呎的小蜗居开始二人生活，而老爷1人独居1,600呎大宅。

楼主怒斥老爷：“我好憎佢，系因为佢一啲包容同人情味都无！我老公失业，佢奚落我老公话，你哋搬去住㓥房。面对呢啲食古不化嘅X街、原生家庭唔和谐、我觉得唔生小朋友系最明智嘅决定。奚落自己仔女系咩教育方法？”，直言“而家300几呎1间房，两个人都系勉强够住，真系完全唔会谂生仔”。

网民：寄人篱下要委屈求存好正常

网民留言指出，“只能说你老公无本事，唔可以怪人”、“就咁睇，老爷好唔钟意你，觉得你老奉乜都工人做，所以突登炒个工人迫你走”。

有网民批评楼主，“你黐老爷屋企，即系寄人篱下，要委屈求存都好正常，要怪只有怪你老公冇本事买楼，但你走去闹你老爷系X街？”，揶揄“讲到一定要畀你住咁，唔畀你住，就要人绝子绝孙，你心地咁好，打和啦”。

网民：结婚前要确保唔使同老爷奶奶住

有网民就批评楼主老爷，“死啦，我觉得父母有能力，应该帮下仔女好天经地义，因为我自己生得嘅，我都会咁做，生个仔出嚟受苦嘅，点解要生？”。

有网民语重心长道，“结婚前一定要确保唔使同老爷奶奶住，否则宁愿唔结，就算最后搞到孤独终老都系咁话。冇男人唔会死，但喺人哋屋企受气就会激死自己”。

（Threads@mrs_rainstorm）