转帐工具愈来愈方便，但亦同时增加诈骗风险。本港1名女生在网上表示，日前其PayMe帐号年初九（25日）收到1名陌生女生转帐42元，同时祝贺生日快乐，随后对方转帐0.01元，道歉声称转错数，要求她交还该42元，女生在文中表示“唔会贪呢$42，但有啲担心系诈骗”。虽然金额是小数目，但她决定联络客户服务中心解决事件，如果对方并非骗徒，“唔好再过错数畀人，要无啦啦退返畀你，真系好麻烦，如果系诈骗嘅，祝你呢世都冇钱食饭”。大量网民认同其做法，认为向银行求助最能保障到双方。

帖文意吊来转错数的女生本尊现身留言，“真系唔好意思啊，打搅咗你”，解释自己不慎转错数，同时她表示“冇觉得你呃我钱嘅，亦都好有礼貌同你say sorry，但系亦都唔觉得你要公开我，其实讲真，我都冇预会pay back嘅”。

转错数女生的态度引来许多网民讨论，“就算真系本人联络，你都直接联络银行最稳阵，事关无啦啦过错数，如果对方系一啲可疑户口，可能会影响将来你使用PayMe”、“想提醒大家，过错钱联络完对方，双方都揾银行先保障到大家，就算唔系诈骗，就咁过返数随时被洗黑钱都唔知咩事”，亦有人认为她可能不满被人公开PayMe帐号的照片的姓名，加上被误会是骗徒，所以出言不慎。

PayMe帐号收到陌生女转帐

楼主在threads上载2张照片，显示其PayMe帐号年初九（25日）收到1名陌生女生转帐42元，对方用英文祝贺生日快乐，由于楼主不认识对方，加上并非寿星女，对方摆明转错钱，随后对方转帐0.01元，用英文道歉，同时声称自己转错数，要求楼主交还该42元。

联络客户服务中心解决事件

楼主在文中表示“唔会贪呢$42，但有啲担心系诈骗”，虽然只是小数目，但她以防万一，最终联络客户服务中心解决事件，指出如果对方“唔系诈骗，希望你唔好再过错数畀人，要无啦啦退返畀你，真系好麻烦，如果系诈骗嘅，祝你呢世都冇钱食饭”，许多网民认同楼主做法，“揾银行处理最稳阵”、“一定系揾银行”。

过错数女子现身留言表达不满︰唔觉得你要公开我

由于楼主没有遮掩对方PayMe帐号的照片的姓名，所以本尊现身留言，“真系唔好意思啊，打搅咗你”，本身有朋友上周生日，除了向对方支付珍珠奶茶费用之外 , 顺便祝贺生日快乐，但她“话中有话”，突指“并冇觉得你呃我钱嘅，亦都好有礼貌同你say sorry，但系亦都唔觉得你要公开我，其实讲真，我都冇预会pay back嘅”。

网民︰42蚊的确系小数目，风险大过金额

明赞暗踩态度引来大量网民讨论，“事实上你就系制造麻烦畀人，转错数的责任系应该你自己负担”、“睇你打嘅嘢冇粗口，但系讲嘅嘢态度真系麻麻哋”、“唔系骗徒都好，其实都麻烦到人啰，真心唔好咁串”、“42蚊的确系小数目，但唔知你系咪可疑户口，风险大过金额”。

联络银行最能保障双方

更有网民发现该名女生在自己帐号交代事件经过，声称自己传送退款连结，但楼主没有按下，反而通知客户服务中心，强调不退款“对我嚟讲，冇觉得会系一个乜嘢损失” 、“不过冇谂过咁样都要被人公开”，许多网民留言指“9成留言都叫人哋揾银行处理，得你自己发牢骚”、“如果佢怀疑你银行系诈骗户口，佢就咁过返钱俾你，等于同你有交易，佢都会有问题”，亦有人明白她不满被人公开PayMe帐号的照片的姓名，加上被误会是行骗，因而出言不慎，但都提醒她，联络银行的确最能保障到双方。

（threads@fibee_food）