到底买楼是否属于人生必做的选项？有港男生于网上发文讨论买楼还是租楼的世代想法转变，认为00后有买楼的70后父母基本上已供完楼，00后年老后将不愁生活和居住问题，因父母会将物业留给子女，“做逆按揭都够食过世”，直言“买楼呢啲真系80、90后先做嘅老饼嘢”。

帖文随即引来网民热议，有网民认同楼主想法，“90后都唔使买，唔生下1代，两公婆食到死，使晒啲钱咪拜拜”、“其实唔结婚系无需要买，退休周围旅居”、“综援加公屋，人生大赢家”。

也有网民批评大安旨意，“层楼系老窦老母嘅资产，其实唔一定要畀仔女，有呢个大安旨意嘅谂法系可笑嘅”、“最后都系啃老要食老窦老母层楼，仲衰过养儿防老，起码你老窦老母都有付出过心机钱时间，班00后付出咗啲咩，凭咩要老窦老母层楼畀你逆按揭，唔系佢哋自己用，真系理所当然到自视过高”。

该男生于连登讨论区以“其实依家00后的确建议租楼”为题发文指出，“00后其实都唔使烦退休＋惊老咗无地方住，00后啲父母都系70后，基本上都已上晒楼，供完。00后又唔生，佢哋老咗收返父母层楼，再做逆按揭都够食过世”。

港男生：00后应租楼不买楼，买楼系老饼嘢

男生直言，“买楼呢啲真系80、90后先做嘅老饼嘢”、“甚至啲父母都打到开口牌，话层楼迟早系你”、“识人40岁都住屋企，生活真系free到爆”。

网民斥想法太理想：点解咁肯定父母会送楼

帖文引来网民热议，指出男生想法太理想，“点解会预设老窦老母会上咗岸”、“点解咁肯定会送，个X街仔唔生性，父母唔识自己逆按过世咩”、“老窦老母有楼都应该系旧楼，要大维修”。

有网民认为无论如何都应买楼，“中间太多变数，同埋等两老层楼，00后佢老窦老母而家都只系5X岁左右，要等多20至30年。我都系建议点都买1层系自己名嘅楼（咩楼平贵都好，唔一定要私楼，最紧要系自己接受到住喺𠮶度），到时两老真系层楼留到畀你，咪有条件睇下点利用佢嚟令自己早啲退休”。

楼主认为00后偏好不打长工

楼主又于帖文指出，00后的工作模式及态度已经改变，“00后又识直播带货，又识做KOL，你估仲系上世代要返工揾钱”、“可以钟意做时就做，唔做就唔做，唔使好似上1代咁每年做足360日”。

网民：年纪渐长时就会失去潇洒的傲气

有网民认同00后偏好不做全职，“00后好多都唔忧做，打下散工，去下旅行，唔使烦买楼，00后父母70后喺楼市得益太大”、“见好多00后都系求其打份part time，贪够晒自由，钟意做就做，唔返就唔返，冇家累亦唔打算有家累，有时真系几羡慕佢哋，做人最紧要出身好，小康父母已经算赢”。

也有网民认为00后目光短浅，应长远考虑未来，“个个18、22时候因为父母仲在职冇乜压力都系揾hea工啦，同埋啱啱毕业一定系咁嘅心态，90后以前都系咁过啦”、“好多人后生𠮶时都话活在当下潇洒做人，今朝有酒今朝醉，但年纪大咗或者到要真系面对个困难时就会死晒狗，冇晒当初𠮶股傲气”、“我90后呢辈10几年前已经有人讲呢啲嘢，出嚟做嘢10年后，而家你就见有啲90后喺Threads同连登呻，人哋有乜有物，自己潇洒10年后生活点点点差，问点样可以转跑道”。

（连登讨论区）